Malipayon sa iyang pagka-single
CEBU, Philippines — Wala pa gyu’y plano si Bela Padilla nga mosulod og balik sa usa ka relasyon.
Suma pa sa aktres nga prayoridad niya karon ang iyang showbiz career.
Tulo ka tuig na ang nilabay sukad sila nagkabuwag sa movie producer nga si Neil Arce kinsa uyab karon ni Angel Locsin.
Busy si Bela sa umaabot nga Kapamilya series nga Sino Ang May Sala (Mea Culpa) kun diin makauban niya si Jodi Sta. Maria.
Perfect score alang sa Pinoy Dance Crew
Nahugyaw gyud sa performance sa Filipino dance crew nga VPeepz ang mga hurado sa U.S. dance competition show nga World Of Dance . Nakadawat kini og score nga 100 gikan sa hurado nga si Ne-Yo ug mao kini ang labing unang higayon nga nihatag kini og perfect score.
“That set the bar.Without a flip, without a trick, without anything… Nobody risked their life, and you got all three of us out of our seats,” hirit pa ni Ne-Yo.
Wala kapugong si Ne-Yo , gihatagan gyud niya og standing ovation ang VPeepz ingon man usab ang mga kauban niya nga hurado nga sila si Jennifer Lopez ug Derek Hough.
Makahadlok gyud
Gipaneguro gyud ni Direk Erik Matti nga makahadlok gyud ang matag horror film nga iyang pagabuhaton.
Tsika pa sa direktor nga giladlad gyud niya ang nagkadaiyang lamas sa pagpanindot sa bag-o niya nga horror film nga “Kuwaresma”.
“I always am up to the challenge to do a horror film that can get a proper terrifying reaction from the audience. Restraint is good but horror doesn’t truly work entirely if it’s too subtle.I am pretty proud of #Kuwaresma,” suma pa sa direktor.
Nasayran nga mao kini ang labing una nga horror film ni Megastar Sharon Cuneta.
Piolo moundang sa “Home Sweetie Home
Gikatahong i-reformat ang sitcom sa ABS-CBN nga “Home Sweetie Home” ug giingong dugangan og bag-ong mga karakter ang maong show.
Suma pa sa tsika nga mobiya na si Piolo Pascual sa maong sitcom gumikan kay motungha kini sa laing nasud.
Kahinumdoman nga naabot si Piolo sa maong show human nipahuway sa showbiz si John Lloyd Cruz.
- Latest
