Nganong nisulod sa showbiz?

CEBU, Philippines – Sa bag-ong vlog nga gi-post ni Jessy Mendiola, gibalik-tan-aw niya ang kaagi sa iyang pamilya mao nga naningkamot gyud siya nga makasulod sa showbiz. Wala gyud nagduhaduha og paambit  si Jessy nga wala gyud siya nangandoy mahimong artista kaniadto apan tungod kay wala silay kwarta mao nga naningkamot siya nga sudlon ang showbiz.

Award ni anne

Mipadangat si Anne Curtis sa iyang pasalamat ngadto sa 2019 Guillermo Mendoza Awards human kini nakadawt og pasidungog isip Golden Jury Awardee for Excellence as Millennial Multi-media Entertainer. Ang maong award nahatag kini ni Anne human sa iyang mga performance sa pipila ka mga katuigan sa entertainment industry.

Unang pakighimamat

Mapasalamaton si Angel Locsin ngadto kang Maymay Entrata kinsa miingon nga giisip siya  nga inspirasyon niini. Sa mensahe nga gipaabot ni Angel, matud pa niya nga dili gyud niya hikalimtan ang unang adlaw nga nagkita sila ni Maymay sa PBB house gumikan kay nalingaw gyud siya niini tungod kay wala kini makatuo nga nahimamat siya niini sa personal.

Normal ra

Gitataw ni Melai Cantiveros nga wala sila magbuwag sa iyang bana nga si Jason Francisco apan wala niya gilimod nga adunay dako nga pagsuway nga giatubang sila mag-asawa. Dugang pa ni Mela inga normal lang sa magtiayon nga mag-away ug gideklara niya nga naa ang ilang relasyon sa state of calamity. “Ang totoo sa Melason is hindi ko talaga masasabi na okay, hindi ko [rin] masabi na hindi kasi normal sa mag-asawa ang magkaroon ng trouble”, suma pa ni Melai.

Pre-nup pa diay

Gilimod ni Mica Javier nga sekreto sila nga nagpakasal sa RnB singer nga si Jay-R. “No, we’re not. Those were just pre-nup photos. Matud pa nila nga sa sunod tuig pa ilang kasal ug ang hulagway nga mikatap karon sa internet mao ang pre-nup shoot.

Matinabangon nga vice

Dako gyud og utang kabubut-on ang komedyante nga si Lassy ngadto kang Vice Ganda. Matud pa niya nga si Vice gyud mao ang mitabang kanila ug sa mga  kauban  niya sa comedy bar nga mahimong ilado sa showbiz. Dugang pa ni Lassy nga walay puas si Vice  sa pagpakita og kaayo sa iyang mga higala ug sa mga tawo nga nanginahanglan kaniya.

Na-starstruck kang marian

Nigawas gyud ang pagkafan-girl sa Kapamilya star nga si Kissess Delevin sa dihang nahimamat niya sa 50th Box Office Awards Awards night ang Kapuso Primetime Queen nga si Marian Rivera. Sa video nga na-upload sa Twitter, tataw nga nakigbeso gyud si Kisses ngadto kang Marian. Daghang netizen ang nalipay tungod kay sweet gyud ang duha sa maong video.

Andam na ang kwarto

Bisan paman nga wala pa sa hunahuna nga makaanak sila si  Solenn Heussaff ug Nico Bolzico, apan andam na ang kwarto sa ilang anak puhon. Tsika pa ni Solenn kung mataud-tauran pa gyud ang ilang pagama og bata, gumikan kay unahon pa nila ang “arts room”.  Adunay dakong pagmahal si Solenn sa arts mao nga ang ilang balay sa Makati, aduna kini pipila ka mga masterpiece nga siya mismo ang nigama.

Special award

Mipadayag sa iyang pasalamat ang Wowowin host nga si Willie Revillame gumikay nakadawat ang iyang  programa og Silver Creator Award gikan sa Youtube. “ Tatlong buwan pa lang, isang daang libo ang subscriber agad. Thank you so much. Silver Creator na tayo YouTube, mga Kapuso”, suma pa ni Willie.

Gitigoman gyud

Ready na si Andrea Torres sa iyang bakasyon sa Maldives karong Abril. Tsika pa ni Andrea nga usa ka tuig siya nga nagtigom ug nangandam alang sa maong bakasyon. Kuyugon niya ang iyang inahan. Gani,  gitudluan na kini niya og pagkuha og hulagway aron nindot ang iyang mga kuha sa maong dapit.