12M na ang followers

CEBU, Philippines — Dili na gyud mabangbang ang popularidad sa komedyanteng TV host nga si Vice Ganda gumikan kay nisaka na ngadto 12 million followers ang iyang Twitter account.

“Seriously MARAMING SALAMAT PO for making me the most followed Filipino on twitter!!! Hayabayabayu,” suma pa sa iyang social media post.

Nasayran nga malingaw gyud ang followers ni Vice gumikan sa iyang hugot lines.

Kathryn nakadaog  sa Nickelodeon

Ang Kapamilya actress nga si Kathryn Bernardo maoy natuboy nga Favorite Trending Pinoy Artist sa bag-ohay lang nga Nickelodeon’s Kids’ Choice Awards 2019.

Nakatigi ni Kathryn sa maong kategoriya sila si  Liza Soberano, Julia Barretto ug Yassi Pressman.

Ang pagpili gipaagi sa botasyon sa ilang fans gamit ang special hashtag. (Sanden J. Anadia)

Mga lig-ong katigi

Nagmaya si Sarah Geronimo gumikan sa iyang nominasyon  sa  Best Actress category  sa FAMAS awards 2019 kun diin nataypan ang iyang karakter isip  lola sa pelikulang Miss Granny.

Suma pa sa singer nga kontento na siya sa maong nominasyon bisan pa man nga dili siya makadaog niini.

Nasayran nga makatigi niya sa maong award ang mga lig-on pud nga aktres nga sila si Judy Ann Santos, Anne Curtis, Angelica Panganiban, Iyah Mina, Pokwang  ug uban pa.

Makadaghan na nga higayon nga napakyas si Sarah sa pag-angkon og award sa nangaging FAMAS.

Nominado usab sa kategoriyang Best Song ang theme song sa Miss Granny nga “Isa Pang Araw.”