Salamat Kapusong Ormocanon!

Happy ting-init mga BisChikadora! Grabe na man gyud ang kainit lami kaayo ihumol sa dagat o mokaon og halo-halo nga bisa’g baligya sa silingan…go ra gyud kaayo! Sa mga niaging semana medyo best in exercise ang inyong Mother Butanding— ambot nga naadik ko og adto og gym—usa sa mga rason nganong ganado ko tungod  kay  naa koy gym buddy nga mo- encourage nako ug mao sab akong prayer buddy usab nga si Gilbert Manego. Usa sa mga hinungdan nganong emote kaayo ko mobarog kun gikan ko naglingkod kay ang akong tibuok lawas gipamaolan. Mura’g level up sa akong belly exercise sa Cebu City Sports Center, akong gisuwayan ang mag- gym sa Jam Fitness Gym sa Lapu-Lapu City. Pagkakita ni coach RR nga kaya nako ang circuit exercise mas gihimo niya kining intense. Nakaya pud sa akong beauty, mao pud lagi ang pamaol. Ingon sila kun gipamaulan ka, meaning its working! Pak na pak! Mo disclaimer lang ko, nag-exercise ko —wala ko’y plano mo join og beauty contest kun dili para mas healthy pa. Ang kinabuhi sa #BuhayTalent kay dili ana kasayon, kun masakit kay wala baya kay benefits, mag-amping gyud sa lawas. Gisugdan na nako ang #LoveYourself pinaagi sa pag-exercise. Beyba!

Hugyaw ang bag-o lang nahuman nga Kapuso Mall Show  sa Gaisano Riverside Ormoc Parking Grounds, Ormoc City, kauban ang mga Kapuso stars nga silang Garrett Bolden, Kristoffer Martin ug Andrea Torres. Ang GMA Regional TV supports local talents mao nga anaa ang Navigation dancers nga taga Ormoc mismo nga maoy opening dance number. Ang nakanindot kay game na usab kaayo ang mga Kapusong Ormocanon sa mga paduwa nga among giandam.

Pagkahuman sa among on ground show misunod na dayon ang main show  diin tagsa-tagsa nga manglugwa ang mga Kapuso stars on stage para molingaw pinaagi sa kanta ug sayaw. Unang nilugwa si Garreth Bolden, nagpromote usab kini sa iyang first single nga Lilipad Na ug makit-an usab siya sa Inagaw na Bituin. Pagkahuman si Kristoffer Martin nga nagpasalamat sa mga nitan-aw sa Dragon Lady para sa usa ka special role isip the young Brian dugang pa ni Kristoffer human sa unom ka tuig nagbalik sila ug kuyog ni Bea Binene ug Derrick Monasterio plus ang iyang first single nga “Paulit –Ulit“ Ang last nga ni perform wala’y lain ang very sexy nga si Andrea Torres. Atangan nato siya sa labing bag-o niyang teleserye, apan wala pa siya nihatag og dugang detalye. Daghan kaayong salamat mga Kapusong Ormocanon sa inyong init nga pagdawat kanamo. Hangtud sa  sunod na usab nga Kapuso Mall Show! Para updated ka sa mga happenings e like ang page sa GMA Cebu o GMA Regional TV.

GMA Regional TV ihatud kaninyo ang Kapuso Barangayan! manukad sa Barangay Kamagayan Basketball court karung adlawa alas otso sa buntag ( 8:00 AM ). Adunay Kapuso Serbisyo sama sa Women’s local job fair, free blood sugar and blood pressure screening ug dili lang kana, naay  free legal consultation, free haircut ug free massage. Daghang mga pa premyo ug surpresa ang giandam para sa mga taga Barangay Kamagayan. Kita Kit’s mga Kapuso!