Nagkalig-on

CEBU, Philippines — Human sa pag-angkon ni  James Reid nga naglive-in na sila ni  Nadine Lustre, gibutyag sa aktor ang sikreto sa ilang relasyon kun nganong nagpabilin sila nga lig-on bisan dili na sila kanunay nga magkauban sa trabaho ug adunay higayon nga dili na sila mag-abot tungod sa kabusy sa ilang tagsa-tagsa ka mga kabilinggan.Suma pa ni James nga kinahanglan gyud  nga suportahan ang mga gipangbuhat sa imong partner.  “I think the secret is to let your partner grow, because if you don’t let each other grow… then you kind of run out that passion, that honeymoon phase”, pasabot pa ni James.

Duha ka albums

Gihikay na karon sa grupo ni KZ Tandingan ang mga natanggong nga mga proyekto kaniadto tungod sa pagsalmot sa singer sa “Singer” didto sa China. Suma pa ni KZ nga karong tuiga, mopagawas siya og duha ka album. Ang usa niini ilusad sa international arena ug ang  usa sab niini ipagawas lang dinhi sa nasud.

Stranded

Gipagawas na ang official poster ug trailer sa gikahinamang pelikula nga bidahan nila ni Jessy Mendiola ug Arjo Atayde nga ‘Stranded’. Ang maong pelikula gihatagan kini og direksyon sa award-winning filmmaker nga si Ice Idanan. Mapagawas kini sa mga sinehan karong Abril 10.

Dead kids

Mag-uban pagbalik sila si Sue Ramirez ug Markus Paterson sa pelikula nga ‘Dead Kids’. Ulahi nga nagkauban ang duha sa pelikula nga ‘Ang Babaeng Allergic sa WiFi”. Makauban sab nila sa pelikulang Dead Kids si Khalil Ramos. Ubos kini sa direksyon ni Mikhail Red.

Nagdoble ang pasidungog

Duha ka ‘Best Supporting Actress’ awards ang nadawat sa Kapuso aktres nga si Sunshine Dizon. Gikan sa Pasado Awards ug sa GEMS Hiyas ng Sining niya nakuha ang maong dako nga award human siya nahimong kabahin sa pelikula nga “Rainbow Sunset”

Makauban sa pelikula

Gikulbaan pero excited na gyud ang komedyante nga si Super Tekla alang sa  labing una  niya nga pelikula nga ‘Kiko en Lala’. Makauban niya sa maong pelikula ang iyang mga gihangad sa industriya nga sila si Ai Ai delas Alas, Kim Domingo, Derrick Monasterio, Jo Berry, Kiray Celis ug ang iyang kauban nga komedyante nga si Tetay.

Tutok sa responsibilidad

Busy gyud karon ang Kapuso aktor nga si Buboy Villar sa iyang karera ug sa iyang pamilya. Nasayran nga aduna na   siya’y anak ngadto sa iyang kapares nga si Angillyn Gorens. Matud pa ni Buboy nga gusto niya tutukan sab ang pagdako sa ilang anak nga si Baby Vlanz nga usa katuig kapin na karon. Dugang pa ni Buboy nga malipayon ug malinawon ang pagpuyo nila karon bisan og busy siya sa iyang trabaho.

Backup dancer kaniadto

Proud gyud ang iladong kontrabida nga aktor nga si Michael Flores nga nahimong usa ka backup dancer kaniadto sa wala pa siya mailhi sa iyang pag-arte. Matud pa niya nga nahimo siya nga kabahin sa Manouvers ug nahimong backup dancer sa mga show ni Gary V. Gani, mao kini ang tinubdan nganong nakakuha siya og luna sa showbiz.

Excited sa concert

Usa na si Julie Anne San Jose sa naghinam-hinam sa umaabot nga concert sa ‘Studio 7’ nga mahitabo sa Brooklyn, New York karong Mayo 11. “I’m very excited about it kasi first time namin na pupunta ng resort na magkaroon ng summer special. Siyempre, masaya kasi magkakasama kaming lahat,” suma pa ni Julie Anne.