Hugyaw nga movie

CEBU, Philippines – Malipayong gipahibalo nila ni JM de Guzman ug Arci Munoz nga sunod buwan na ipasalida ang ilang pelikula nga nag-ulohan og  "The Last Fool Show”. Suma pa sa duha nga hugyaw ang dagan sa istorya niini busa angayan kini atngan.

Nanumpa og balik

Nanumpa og balik isip magtiayon  sila si  Amy Austria-Ventura ug Duke Ventura renewed sa miaging adlaw. Nahitabo kini sa usa ka cruise didto sa Manila Bay. Nagpakasal sila si Amy ug Duke niadtong 1999.

JK gihulga

Gibutyag sa 'Buwan' singer nga si Juan Karlos Labajo nga nakadawat siya  og  'death threat' hinungdan nga nabalaka sya sa iyang seguridad. “Basta kung ganiyan ang ugali alam niyo na kung kaninong fan 'yun. Pag may mangyari man sa akin kilala niyo na kung sino paghihinalaan niyo,” suma pa niya.

Gilingaw ang pelikula

Nagmagul-anon si Piolo Pascual sa resulta sa pelikula nga  Kuya Wes kun diin ka-partner niya si Ogie Alcasid isip producer. Kahinumdoman nga gipasalida kini niadtong March 13 apan na-pullout dayon  gumikan kay gilangkaw kini sa mg sinehan.

Nauyonan sa viewers

Malipayon si Maxene Magalona gumikan kay nataypan ra sa publiko ang role niya isip Nathalia sa teleseryeng Playhouse: "Sinasabi nila na yung character ni Nathalia, puwedeng maging OA ang ginagawa ko. Good to know, ang feedback ng mga tao, parang natural naman daw,” saysay pa niya ngadto sa PEP.

Donna gipares

kang Teddy

Ang  “Funny One” winner  nga si Donna Cariaga maoy  leading lady ni Teddy Corpuz sa pekikulang Papa Pogi sa Regal Entertainment. Nakalugwa na si Donna kaniadto sa teleserye ni Coco Martin nga Ang Probinsyano.

Sweet nga uyab

Gisopresa ni Angel Locsin ang iyang uyab nga si Neil Arce kinsa nagsaulog  sa birthday niini sa miaging adlaw. Gipalitan ni Angel si Neil og golf cart.  Gidalitan usab niya kini og party kauban ang ilang mga higala nga sila si Dominic Roque, Barbie Imperial, Sarah Lahbati, Richard Gutierrez, Rico Blanco, ug Direk Joyce Bernal.

Bagman

Napuno sa aksyon ang umaabot nga series sa iWant nga  Bagman nga gibidahan ni Arjo Atayde. Kauban niya sa maong proyekto sila si lan Paule, Yayo Aguila, Chanel Latorre, ug Raymond Bagatsing.

Naadik sa ML

Suportado sa singer nga si Karylle ang iyang bana nga si  Yael Yuzon kinsa naadik sa game application  nga Mobile Legend (ML) .  Nasayran nga puwerting sikata sa maong duwa karong panahona.

Gisopresa ni Alden

Nakadawat og birthday surprise  si Kathryn Bernardo gikan sa iyang leading man sa umaabot niya nga pelikula nga si  Alden Richards.  Gikantahan ni Alden og birthday song si Kathryn  ug nagdala kini og cake. Nahitabo kini  atol sa ilang look taste sa miaging adlaw.

Lou Anne Mae nagmadaogon sa Gandingan 2019

Dili gyud masukod ang gibating kalipay sa Sugbuanon nga TV reporter sa Balitang Bisdak sa GMA-7 nga si Lou Anne Mae Rondina human siya nakadawat og national award  isip  Best Field Reporter sa bag-ohay lang gipahigayon nga Gandingan 2019.

Ang maong award-giving body naghatag og mga pasidungog sa nagkalain-laing personalidad sa telebisyon ug radyo sa tibuok Pilipinas.

Suma pa ni Lou Anne nga nakadawat  napud siya sa susama nga  award,  ug dako ang iyang kalipay gumikan kay nasundan kini karong tuiga.

“Dako gyud ang akong pasalamat sa Ginoo pagkadungog nako nga ako ang napili nga best field reporter sa Gandingan 2019. Actually ikaduhang tuig na ni nko nga nakadawat sa maong pasidungog,” saysay pa niya sa Banat News Hugyaw (BNH).

Sa miaging tuig gilahi ang kategoriya sa regional area, apan karong tuiga, giusa na ang pag-award, (tibouk nasud),  sa mao’ng pasidungog.

Ang Gandingan 2019 nagtangag sa tema nga “Media, Mulat At Matapang”, kun diin ang mga panelist nga mususi sa entries naglangkob sa professors ug  students sa UP Los Banos partikular na  sa communications department.

Matud pa ni Lou Anne nga high school pa lang siya kaniadto,  pangandoy na gyud niya mahimong reporter.

“Mura ka ma -amaze sa mga tao nga naa sa TV kaniadto. But since naa-start nako work sa media, mas na-appreciate nako ang akong trabaho kay dako kaayo og papel ang media aron mahatagan nato og tingog ang mga kabus nga natumban ang katungod ug mapukaw ang mga hingtungdang ahensya sa gobyerno to take action,” matud pa ni Lou Anne kinsa 14 ka tuig na sa media industry.