LizQuen naka-P123.5M na!
CEBU, Philippines — Sulod sa upaat ka adlaw nga pagpasalida sa mga sinehan, miabot na sa kapin sa P123,589,663 ang kita sa pelikulang "Alone/Together" nga gibidahan nila ni Liza Soberano ug Enrique Gil.
Si Antoinette Jadaone ang direk sa maong pelikula nga kasamtangang gipasalida sa kapin sa 300 ka mga sinehan sa nasud.
Katapusang pelikula sa LizQuen mao ang "My Ex and Whys" niadtong 2017. Ang Alonte/Together nagtuki sa istorya sa sweethearts nga sila si Raf (Enrique) ug Christine (Liza).
Parokya Nato’ nagmalampuson
Nagmalampuson sa miaging gabii ang live musical sa Bubble Gang nga Parokya Nato’: A Laugh Story diha sa Waterfront Hotel and Casino- Lahug .
Nakadawat kini og masipang pakpak sa mga tawo . Nasayran nga napuno sa katawa ug paghangop gikan sa audience ang maong musical play nga gibidahan ni Michael V.
Nakakuha usab og atensyon ang hugyaw nga performance sa komedyanteng aktor nga si Betong Sumaya kinsa nidala isip inahan ni Michael V sa maong musical play.
Proyekto kini sa GMA Regional TV uban sa kooperasyon sa GMA Entertainment Group ug GMA Pinoy TV.
Ang production gidumala sa stage director nga si Rem Zamora kauban ang musical director nga si Vince de Jesus, music arranger nga si Myke Salomon ug choreographer nga si Dan Cabrera.
Nilugwa usab ang pipila ka Cebuano talents sa maong play.Nalakip usab sa maong musical play mao sila si Chariz Solomon, Valeen Montenegro, Paolo Contis, Mikael Daez, Antonio Aquitania, Jackie Rice, Denise Barbacena, Lovely Abella, Sef Cadayona, Archie Alemania, Mikoy Morales, Analyn Barro, James Macasero, Roadfill Obeso,Boy 2 Quizon ug Diego Llorico.
- Latest