Event coordinator nga nangilad

Hugyaw nga Domingo mga BisChikadora! Kumusta ang inyong Valentines Day? Maayo pa ang uban puwerteng sweet-sweet nila, ako diri nagkaon og ampalaya, hahahaha! Paet kaayo! Bitaw, maayo nalang kay na busy ko sa raket mao nga ang Valentines’ day kay is just an ordinary day! Deadma! Naanad na! Pero karung adlawa para sa mga artista hopefuls, abtik na dayun og adto sa Robinson’s Galleria Cebu 10am-6:00pm kay last day sa audition sa StarStruck. Dream. Believe. Survive. Open to male and female aspirants, 16 – 21 years old and of Filipino descent

Dad-a ang imong Birth Certificate (original and photocopy), ayaw usab kalimot  sa  imong photos, (one close up ug  one full body). Kun ikaw kay below 18 years old, dapat duna kay certification nga  allowed ka mo audition (signed by a parent) ug photocopy sa imong parent’s ID. Bisitaha ang Facebook / Twitter / Instagram StarStruck o bisita sa .GMANetwork.com para sa dugang detalye.

Para sa atong Kinsa Siya??? Adto og Malaysia! Hahahahha! Usa ka grupo karun ang na-Hugyaw kay ang ilang grupo gigamit sa usa ka events coordinator… Mao kini ang BisChika sa atong Kinsa Siya Insider nga duna’y nigawas nga event photo sa social media nga kining usa ka grupo apil sa usa ka event nga wala sila nakahibalo???? Yes, nahibulong nalang sila nga dunay ni personal message nila nga excited makit-an sila mo- perform. Sorry, ang maong grupo dili makatunga kay in the first place wala sila gi- invite ug ikaduha naa sila’y out of town nga event. Ang sulti pa sa leader sa ilang grupo, “ watch out “ kay kun mailhan nila ang nagmugna sa ilang appearance nga dili tinuod, abangan ang susunod na kabanata. Kinsa kining grupo nga na-hugyaw sa maong panghitabo? Puros kini sila member sa LGBT community. Nakaapil na usab sa usa ka reality TV show nga nahimo silang finalist. Ang event coordinator? Atong atngan kun Kinsa Siya?????

Salamat kaayo sa Colonnade SuperMarket Mandaue sa pag- imbitar kanako nga mahimong host para sa ilang Valentine Presentation ang Love to Sing Duet sa Valentine’s day mismo. Adunay napulo ka paresan ang nagtigi sa maong competition nga ang gipanganta mga love songs nga  English, Cebuano or Tagalog. Hugyaw lang ang feeling maminaw sa mga love songs kay maka emote ka very light.

Ang nigawas nga mananaug kay silang Rommel Roseque ug Jessa Mae Abaquita. Special Thanks to sir Marc Daniel, Miss Mae Ann ug Sir Erick. Pagkahuman sa maong show, nilayat dayun ko sa Cebu Business Hotel para sa ilang Valentine Dinner Buffet nga ang nag show mao ang Cebu Closet Dolls. Napuno sa katawa ang venue sa pasiaw sa mga closet dolls. Ni- perform usab ang kanhi singer sa Sugbo si Mam Joy Arias nga nagbakasyon sa Cebu all the way from Belgium. On the spot, gipakanta usab niya ang iyang gwapo kaayo nga anak si John. Pak na pak gyud ang Valentine Show sa Cebu Business Hotel.