P61.9M na

CEBU, Philippines – Dakong pasalamat sa direktor sa “Alone/Together” nga gibidahan nila ni Liza Soberano ug Enrique Gil gumikan kay mikita  na kini og P61.9 million sulod sa  duha ka adlaw nga pagpagawas niini sa mga sinehan.Gipamatud-an sab sa LizQuen nga kusog gihapon sila sa masa  ug ilang gipasigarbo ang  pagkadala sa mga karakter nga ilang gihuptan. Ulahing pelikula nga ilang gisaw-an mao ang “My Ex and Whys” niadtong 2017.

Gisaulog sa Japan

Malipayon nga gisaulog ni Kris Aquino ang iyang 48th  birthday didto sa  Tokyo, Japan niadtong Pebrero 14. Kauban ni Kris ang iyang duha ka mga anak nga sila si  Bimby ug Joshua.

Gipaabot ang reaksyon

Ang reaksyon ni Jodi Sta. Maria  maoy gipaabot sa mga tsismosa kalabot sa pag-angkon na ni    Jolo Revilla sa  bag-ong babaye nga nagpapitik  sa iyang kasingkasing. Kahinumdoman nga nagka-uyab kaniadto sila si Jodi ug Jolo.   Nasayran nga si  Bb. Pilipinas 2016 runner up nga  si Angelica Alit maoy bag-ong uyab ni Jolo.

Malipayon ra

Nalingaw ra si Ryza Cenon sa pagsaulog sa  Valentine’s day gumikan kay kauban niya ang  iyang inahan ug amahan sa serye sa “The General’s Daughter nga sila si Eula Valdez ug Albert Martinez. Suma pa sa aktres nga naka-focus na siya karon sa iyang trabaho.

Ikaduhang negosyo

Gibuksan na sab ni Nash Aguas ang iyang ikaduhang negosyo nga mao ang “Grillest” nga modalit og  chicken inasal. Unang negosyo nga gibukas ni Nash mao ang usa ka Japanese restaurant nga “Muramen” nga aduna nay walo ka mga branch sa nasud. Tsika pa ni Nash nga namundo na gyud siya daan samtang aduna pa siya’y ikagasto .

Engaged na

Engaged na ang komedyante ug ang “I Heart Davao” star nga si Maey Bautista ngadto sa iyang long-time boyfriend nga si Martin Inumerable. Si Martin kinsa usa ka sales manager nga nagtrabaho sa hospitality industry mi-propose ngadto kang Maey niadtong Valentine’s Day.

Gibisita sa ex

Gikilig gyud ang nga Wowowin hosts nga sila si Sugar Mercado ug Ashley Ortega human nga mitikang lang og kalit ang aktor nga si Edgar Allan Guzman sa maong show aron nga mo-greet sa kanhi karelasyon nga host sab sa maong show nga si Shaira Dias niadtong Pebrero 14. Mihatag sab og buwak ang aktor ngadto kang Shaira. Ingon nga nagbuwag na ang duha pipila na ka tuig ang milabay. Gitataw ni Shaira nga maghigala lang sila ni EA ug andam sab siya nga makatrabaho kini puhon .

Nag-una sa ratings

Naglawig og maayo sa   unang semana ang afternoon prime series nga “Inagaw na Bituin” nga gibitoonan nila ni Kyline Alcantara ug Therese Malvar. Base pa sa Nielsen Phil. Tam ratings ,  mitala kini og 6.1% sa unang adlaw ug sa ikatulong adlaw niini mitala na kini ngadto sa 6.4%. Trending usab kini  sa mga sikat nga mga social media sites.

Unang award

Gipasidunggan sa 50th Box Office Entertainment Awards ng Guillermo Mendoza Memorial Scholarship Foundation (GMMSF) ang “Onanay” star nga si Jo Berry isip Most Promising Female Star for TV. Ingon nga mao kini ang labing una nga award nga nadawat sa aktres.

Opisyal nga loveteam

Gikumpirma ni Barbie Imperial nga ang Hashtag member nga si Paulo Angeles na ang iyang bag-ong  ka-loveteam . Matud pa sa aktres nga duna sila’y  umaabot nga mga  pelikula.