Jake ug Kylie uyab?

CEBU, Philippines — Laing hulagway ang gi-post ni Jake Cuenca sa Instagram kun diin makita nga nagsikit ang mga nawong nila ni Miss International 2016 Kylie Verzosa.

Nagtangag kini sa caption nga “Monchichis.”

Kahinumdoman nga nag-post usab si Jake sa miaging buwan og sweet photos nila ni Kylie apan tak-om lang ang duha sa tinud-anay nila nga istado.

Nagkauban ang duha sa  ABS-CBN teleserye nga Precious Hearts Romances: Los Bastardos.

Nahimuot usab sa ka-sweet sa duha ang kauban nila nga mga  bitoon sa  Los Bastardos nga sila si Mica Javier, Josh Colet ug Joyce Ann Burton.