America’s Got Talent: Fil-Am singer mikulit og kasaysayan
CEBU, Philippines – Nikulit og kasaysayan ang Filipino-American singer nga si Angelica Hale sa latest episode sa AGT The Champions gumikan sa hugyaw niya nga performance.
Nasayran nga siya ang labing una nga singer nga kaduha nakaangkon og Golden buzzer gikan sa mga hurado.
Nakadawat siya og standing ovation sa dihang gikanta niya ang “Fight Song” nga gipasikat ni Rachel Platten.
“Angelica, you are like the little boss lady that you are. You came here to win. I can see that. I can feel that,” suma pa sa usa sa mga hurado nga si Heidi Klum.
Usa sa nahugyaw sa iyang performance ang laing hurado nga si Howie Mandel.
“When people show up on this show, the level of competition is much higher. Just by the title, you are amongst champions. You show up and you ripped the ceiling off this theater. That was your fight song and if I can do anything, I am going to help you win this fight,” mensahe pa ni Howie ngadto kang Angelica. Wala makapugong si Angelica sa pagtulo sa iyang mga luha samtang gidayeg siya sa mga hurado.
“I can’t believe this is actually happening to me. I never expected this to happen. I wanted to thank you so much. This is a dream come true,” suma pa sa Fil-Am singer.
- Latest