Finding You
CEBU, Philippines — Bida sila si Jane Oineza ug Jerome Ponce sa romance-drama film nga nag-ulohan og “Finding You” ubos sa Regal Films. Suma pa sa direktor nga si Easy Ferrer nga ang maong pelikula magtuki sa istorya sa usa ka millennial couple.
Designer sa bag
Midesinyo si Heart Evangelista og heart shape nga handbag alang sa usa ka sikat nga French fashion brand nga Sequoia Paris. Tsika pa ni Heart nga ang tag-iya sa maong brand mao ang nakipagkolaborasyon kaniya nga mahimong designer niini. Dugang pa ni Heart nga hapit usa ka tuig ang iyang pagdesinyo sa maong handbag.
1M Views
Mapasalamaton ang Black Sheep Productions sa tanang fans sa LizQuen gumikan kay miabot na sa kapin sa usa ka milyon ang views sa teaser sa pelikula nga Alone,/Together, sulod sa tulo ka oras human kini gi-upload sa social media. Mapasalamaton sab ang direktor niini nga si Antoinette Jadaone tungod sa gipakita nga suporta sa fans sa LizQuen .
Gipasulod sa Los Bastardos
Si Joseph Marco maoy bag-ong bitoon nga pasudlon sa Precious Hearts Romances series nga “Los Bartardos”. Pagadalhon ni Joseph ang karakter ni Lorenzo. Maingon nga mao kini ang comeback project ni Joseph human sa pagkalakip niini sa “Wildflower”.
Giapil ang pamilya
Human nga mitumaw ang taho nga na-link sila si Maine Mendoza ug Arjo Atayde, dili lang ang aktor mao ang paboritong i-bash sa AlDub fans kundili lakip na sab ang pamilya ni Arjo. Gitug-an sa inahan ni Arjo nga si Sylvia Sanchez nga mga sakit nga pulong ang ilang madawat ug mabasahan gikan sa fans niini. Mipadayag sab siya nga dili kini angayan nga patulan. “Tumahimik ka, tahimik na lang, ngitian mo, dedmahin mo at alam mo, ipagdasal mo sila”, suma pa ni Sylvia.
Susama og dagway
Dili gyud malimod ni Karla Estrada nga anggid gyud og dagway ang ex-PBB Otso housemate nga si Seth Fedelin ug Daniel Padilla. Matud pa ni Karla nga ang maong hulma sa nawong ni Seth mao ang dagway ni Daniel niadtong 14 anyos pa kini. Dugang pa ni Karla nga mas mestizo si Seth kun itandi ni Daniel.
Pasok sa LizQuen movie
Nagmaya si Jasmine Curtis gumikan kay nalakip siya sa pelikula nga gimugna ni Antoinette Jadaone nga Alone/Together. Ang maong pelikula gibidahan nila ni Enrique Gil ug Liza Soberano. “Thankful to be part of this beautiful project and to be able to work with a stellar cast and crew team. Thank you Direk Tonet! It was only just a dream to work with you,” suma pa ni Jasmine.
Kadaghan
Gibutyag ni Chai Fonacier nga sa makadaghang higayon nga gi-shoot ang sex scene nila ni Martin Del Rosario sa pelikulang “Born Beautiful”. “Ilang take kami no’n, kasi... alam mo yung napakakomportable na ninyo, nag-uusap kayo bilang good acquaintances and co-workers. Tapos, biglang maglalampungan kayo! Sa eksena, di ba? Hahahaha! Di ba?”, asoy pa ni Chai.
- Latest