Anne ug Marco subling magpares

CEBU, Philippines — Sa ikaduhang higayon, magpares sa pelikula sila si Anne Curtis ug Marco Gumabao nga nag-ulohan og Just A Stranger.

Una nga nagkauban ang duha kaniadto sa pelikulang Aurora nga official entry sa Viva Films ug Aliud Entertainment sa 44th Metro Manila Film Festival sa miaging buwan.

Matud pa ni Anne nga nakit-an na gyud ang iyang “perfect leading man” ug naghinamhinam na siya nga iyaha kining makatrabaho og balik. Gisugdan na niadtong Sabado ang workshop alang sa duha. Sunod buwan ang target sa pagpasalida sa maong pelikula ug i-shoot kini pipila ka mga lugar sa Europe.