December Avenue wala maka-perform

CEBU, Philippines —  Tungod sa nagbaha nga mga tawo ug maseguro ang ilang seguridad, wala makadayon og perform ang sikat nga banda nga December Avenue  alang unta sa ilang free concert niadtong Biyernes sa gabii diha Fuente Osmeña Circle.

Ang Sinulog Foundation Inc. (SFI) nakahukom nga dili ipadayon ang maong kalihokan  tungod sa maong sitwasyon.

Nasayran nga bisan gisirad-an na ang gate sa Fuente, ningkatkat  gihapon  sa kural ang mga tawo.

 “In line with the security measures we have implemented for the Sinulog 2019, the Sinulog Foundation Inc. has regretfully decided to discontinue tonight’s line-up of events due to unforeseen circumstances. Your safety and security is our utmost priority,” tipik sa statement sa SFI.

Samtang sa social media post sa December Avenue,  nanawagan sila sa ilang fans nga dili kini angayan masuko kanila. 

 “Ayaw intawn mo ug kasuko namo kai wala mi sala sa nahitabo,” matud pa sa maong grupo.

Gipasalig hinoun nila nga mobawi ra sila kun mag-concert sila og balik dinhi sa Sugbo.

Samtang sa Facebook account ni Mayor Tomas  Osmeña, ni-post kini og hulagway sa nagbaha nga mga tawo nga nipugos og sulod sa Fuente ug nagtangag kini sa caption nga “Kining mga tao ang rason gicancel ang concert. Klase mo tanan inig Lunes.”

Ang December Avenue maoy nagpasikat sa awit nga Kung ‘Di Rin Lang Ikaw, Sa Ngalan Ng Pag-Ibig , ug Eroplanong Papel.