Kapuso sa Sinulog!

Mabuhay mga BisChikadora! Excited na kaayo mo sa umaabot nga Sinulog Festival? Well, ang inyong Mother Butanding kay excited napud kaayo,  unya malipayon ko nga pagbukas sa maong kasaulogan nakakuyog ko sa Walk with Jesus. Gikan sa raket pahuway lang kadiyot , unya go na sa procession. Bahalag medyo lipong ang feeling kay para nako usa kini sa akong mga sakripisyo. Akong kalipay  kay wala’y kabutangan kay bisan sa mga problema nga imong giatubang karun , basta dunay pagsalig sa Kahitas-an , ang tanan kay makaya ra.

Sa Walk with Jesus mura napud ka og  ga- exercise ang peg kay imong hunahunaon gikan sa Englis V. Rama hangtud Santo Nino,  akong singot puwerteng nanggawas ,best in achieve ang 10,000 steps! Hahahahaha! Unya kay matag tuig magpailis ko og sanina sa akong Senor Santo Niño, malipayon ko nga naa gihapon ang akong suki kilid sa simbahan. Akong gipangayo sa Mahal nga Senyor nga unta tagaan ko niya og maayong lawas para ang tanang mga challenges nga akong giatubang karun aron carry lang kaayo.

Karung tuiga, maghinaut usab ko ang akong passion for health kay magpabilin ug mahimo na gyud nga kabahin sa akong inadlaw adlaw nga kalihukan. Mao kini ang pag exercise. Kaning dapita mao kini ang dako kaayo nako nga struggles kay busy kaayo sa raket makalimtan na ang pag exercise ilabi  na sa akong part nga butanding kaayo ang peg hahahahaha! Usa sa mga rason nganong nibalik gyud ko og exercise kay sa dihang magliston nako sa akong sapatos ,mura’g ang akong hangak grabeee kaayo. Nakaingon ko sa akong self nga dili na kini maayo mao abtik ko nga  niadto sa Cebu City Sports Center ug nag- belly exercise. Sama sa naandan, ang mga mantika nga manggawas sa akong lawas murag hugyaw mao nga gipadayon lang gyud ni nako. Ang akong motivation basta dili busy o maapil gyud sa schedule sa  pag -exercise. Nakaingon ko nga The Struggle is Real pero ang feeling pagkahuman sa pasingot kay nindot kaayo ang imong pamati. Mao nga akong giingnan ang akong kaugalingon nga dasig lang Yuri! Hahahahha!

Kay nagkaduol na ang Sinulog, dili usab magpaulahi ang inyong Kapuso Network para mohatag og kalingawan pinaagi sa atong Kapuso Mall Show. Mao kini ang mga Schedule nga angay ninyong mahibaw-an tungod kay libre man ang maong mall show dapat sayo gyud mo moadto sa mall para makalingkod.

January 18 – Kapuso Mall Show sa Gaisano Grand Jai–Alai ug sa Ayala Cebu Terraces kauban ang  cast of Inagaw na Bituin  nga sila si Kyline Alcantara and Therese Malvar. Naa usab ang mga bituon sa  Kara Mia nga sila si  Barbie Forteza, Mika Dela Cruz, Jak Roberto ug Paul Salas

January 19 – Kapuso Mall Show sa Gaisano Fiesta Mall Tabunok ug Robinsons Galleria kauban ang cast sa Cain at Abel  nga sila si Dingdong Dantes, Dennis Trillo, Solenn Hessaff ug Sanya Lopez

January 20

Ang cast of Cain at Abel mosakay sa GMA float

Ug dili lang kay kana lang! Ayaw usab sipyata karung February 15, 8PM sa Waterfront Hotel and Casino, Lahug, Cebu City  ang idalit sa GMA Regional TV, kauban ang GMA Entertainment Group ug Pinoy TV,  ug  Kapuso Concerts ang hugyaw  nga Live Musical Play Experience : Bubble Gang: Parakyo Nato “ A Laugh Story, featuring the cast of Bubble Gang! Alang  sa mga pangutana tawag lang sa GMA Cebu sa telepono ( 032 ) 232-0048 o sa mga numero ( 032 ) 232-8888/ 0915-5353873. Makapalit usab kamo og tickets online via SM Tickets ( www.smtickets.com)