Manager ni Julia mitubag sa “buntis” issue

CEBU, Philippines – Wala pa gyud mahupas  ang  tsika   nga matud pa mabdos   ang Kapamilya actress nga si Julia Montes.

Matud pa sa nitumaw nga tsismis nga mao kini ang rason nga nilarga sa  Europe  ang aktres.

Wala usab katambong si Julia sa mga kalihokan sa ABS-CBN niadtong Pasko.

Wala usab kini katambong sa special screening sa iyang  advocacy film kung diin katrabaho niya sila si  Kean Cipriano ug  Direk Brillante Mendoza.

Samtang ang manager ni Julia nga si  Erickson Raymundo  nitataw  nga nibakasyon lang si Julia sa laing nasud  ug dili tinoud ang report nga nagsabak ang aktres.

 “She heard about it too and we called her when people were asking us, pero hindi talaga totoo,: mensahe pa ni  Erickson nga namantala sa PUSH.

Target mobalik sa nasud

Usa ang Filipino-American singer-actress nga si Hailee Steinfeld  sa mga bisa sa  pelikulang “Bumblebee” nga molugwa na sa mga sinehan dinhi sa nasud karong  Enero 8.

Tsika pa ni Hailee nga ganahan siya nga makabisita og balik sa Pilipinas.

Taod-taod na siya nga  wala makabisita og balik sa nasud gumikan sa ka-busy sa iyang career.