Kaskas Kuryente!

Sanden:  Hello mga Kabanatanay sa tibuok Kabisay-an ug Mindanao nga kanunay gyud nga nag-atang sa atong panagkukabildo matag Martes. Sulod sa pila ka semana, akong gi-obserbahan ang kasikas sa Pinoy Big Brother Otso. Duna’y mga episode nga laay, apan duna pu’y higayon nga mapuno ka sa kilig. Mga guwapo ug guwapa pud ang housemates.  Lingaw ra baya  gyud basta reality show. Hinuon dili malikayan nga duna’y plastic nga housemates. Nakabasa ko sa reaksyon sa pipila ka netizens, matud pa nga wala’y kisaw ang bag-ong season sa PBB. Basta naguol gyud ko uy sa pagka-evict ni Aljon Mendoza, pero usaon taman, didto ra gyud kutob ang iyang kapalaran sa balay ni Kuya.

Jaypee: Olah mga Babanatay! Happiest Tuesday! Pila ra gyuy dagan sa panahon, Pasko na sad! Merry Christmas ninyung tanan nga mga readers namu nga nahimo na sab namong mga Maninoy ug Maninay! Pak na Pak! Lahos ta sa atung diskusyunan karon.  Hagbay ra gyud ko wa na ganahi anang PBB. Makaingon gyud ko nga very scripted.   Ang creative team sad ani no, wala  gyud makahuna- huna og bag o nga nmga  pakulo. Walay kalainan sa mga nakalabay’ng season. Sorry ha pero maglagut ta aning ubang housemate nga bata pa gani, nagpakita na og  kaigat sa telebisyon. Babaye pa gyung buhat. No wonder, daghan ang musunod sa ilang binuhatan gumikan kay  mao may nakita sa telebisyon. Duna pay usa ka trying hard kaayo nga komedyante. Pakaulaw lang. Pildi namo sa ratings game uy PBB!

Yuri:  Helloooo mga KABANATanay! Martes na busa magtigi napud mi sa akong mga hampaslupa nga beshie! Pwes, walay paligoy -ligoy pa . Kining PBB Otso , kaskas ra og  kuryente.  Naghatag og kalabad sa mga viewers which lead to depression. Unya ang chesmes kay dili man daw tinuod ang gipakita nila nga kinaiya.   Ang tawag ana kay best in scriptwriting.  Pero bisan ug ing ana daghan man gihapon ang mosikat kay basta gikan sa reality show daghan musuporta mao nga good luck nalang ninyo housemates nga mga wala’y ayo.

Sanden: Paghilom mong duha uy, nindot kaayo ipakong ang inyong mga ulo nga puros negatibo og mga huna-huna. Kun dili mo ganahan , ayaw mo og tan-aw , kay mas daghan pa ang mga tawo nga ganahan og PBB. Kun nairita mo sa  pipila sa housemates , problema nana ninyo. Igo ra sila nagpakita kun unsa gyud ang tinuod nila nga batasan, bahalag plastik lang ang uban, Bisan unsaon ninyo og yawyaw mga hampaslupa, ang paghatag og kalingawan sa viewers ang tumong sa maong show. Kun wala mo nangalipay, dili pud sila malipay ninyo. Nagyaya lang nang mga dagway ninyo da, kun maka-saway sa PBB wagas kaayo. Maglanlan pa lang mo og tagingking aron maulian na inyong panghuna-huna.

Jaypee: Hoy Sanden!. Sakto si Beshie Yuri, gakaskas ra gyud og kuryente ang PBB. Ikay tan-aw ana kay pareho mo sa mga housemates mga O. A. Ayaw pagbuot Sanden kun magbuwabuwa ang akong baba nga sama sa naka-kaon og sabon. Nipadangat lang ko sa akong sentimento nga sobra na ka way lami. Mao ray niguba sa mga lig on nga primetime series sa ABS. Way esperanza. Dili nalang ko matingala kun nganong manamilit na dayun ni sa kahanginan kay wala gyuy dating. Puslan man nga scripted ang tanan, paninguhaa nalang ninyu Big Brother nga mausab ang dagan sa inyong script! Buak!

Yuri:  Sanden dili  man gyud ko motan aw ana. Seguro makahibaw rako sa kasikas ana, tungod sa social media. Sa pagka ngalan nga PBB,  makaingon ko nga mosikat gyud kay kanang imong iyaan nga Kim Chu silingan na namo sa V rama mao nga happy rapud ko niya ug sa mga housemates. Ang  akoa lang magpaka totoo sila. Usa sad sa ma -comment nako, gi background check ba nila ang hopefuls nga sa akong nahibaw-an usa sa mga housemates dunay video scandal! OMG! Nahugyaw ko sa akong nakita nga video. Unya palaki- laki pa siya karun ug sigurado ko inigdayun human ana nga show, moladlad na siya! Hahahaha! Go lang!  Bahalag lahi-lahi ta og reaksyon Sanden, kever , basta mao na akong panahom.