Kapalaran ang nagmadaugon

CEBU, Philippines — "You can always do it. Believe in yourself and trust on God".

Mao kini ang mga pamulong nga anaa kanunay sa hunahuna sa nahimong Miss City of Talisay 2018 nga si Jesselle Saniel.

Padayag pa ni Jesselle nga mao kini ang nagsilbi nga pagdasig niya sa iyang kaugalingon aron dili siya bation og kakulba ug anaa siya ibabaw sa entablado sa higayon nga mosalmot siya og indigay.

Gitug-an sab ni Jesselle nga nalingaw ra gyud siya sa industriya sa beauty pageant.

Nagsugod sa pagsalmot si Jesselle sa ingon niining matang sa indigay niadtong 2016 didto sa iyang gitunghaan niadtong high school pa siya sa Talisay Malayan Academy.

Ang maong indigay gitawag kini og Mr.and Ms. United Nations.

"Kulba kaayo ang first nako nga pag-apil labaw na sa talent portion. Mao to ang experience nako nga ni-push nako nga i-achieve akong dreams", suma pa ni Jesselle.

Puno sa kalipay ni Jesselle nga adunay mga nagpaluyo kaniya aron suportahan ang iyang damgo nga mahimong usa ka beauty queen.

Tataw sa postura ni Jesselle nga maayo gyud ang iyang pamarog sa 5'9''nga gitas- on busa swak gyud siya sa kalibutan sa beauty pageant.

Sa pagtungtong ni Jesselle og kolehiyo, determinado siya nga hulmaon ang iyang kaugalingon aron hingpit nga sudlon ang kalibutan sa pageantry.

"I am determined to mold my self and confidence kay nakita nako nga daghan og opportunities ug nindot sab akong future sa beauty pageants," suma pa niya.

Mao nga nipaubos siya og formal training sa pagrampa sa Kagandahang Flores.

Sila si Malayka Yamas ug Jonas Borces sa KF Cebu inabagan ni Stacy Avila Lloren sa Stacy's Model Management mao ang mibaid  kaniya aron makaangkon siya og igong kompyansa sa iyang kaugalingon sa pagrampa ug kun unsaon niya pagdala ang iyang kaugalingon atubangan sa kinabag-an.

Dugang pa, ang mihatag og dugang pagpalig-on niya sa iyang kaugalingon ug katakus mao ang tulo ka matawag niya og fairy godmother kinsa mao ang moatiman kaniya kun mosalmot siya og pageant.

Kini sila mao si Jovert Redellosa  ug Ivan James Padua kinsa mao ang iyang makeup artist ug si Dominic Molina  nga maoy mohatag kaniya og mga tips aron han-ay ug hapsay ang iyang pagtubag sa Q&A portion.

Hingpit ang iyang pagpangandam bisan og wala siya'y target pa nga salmutan nga kompetisyon, wala niya damha nga karong tuiga makaangkon siya og korona sulod lang sa duha ka semana. Una siyang nakronahan isip Miss USJR Intramurals ug nasundan isip Miss City of Talisay.

"Bringing home two crowns in just a span of 2 weeks was one of the biggest blessings I received this year. I strongly believe that God is always with me!", saysay pa ni Jesselle.

Dakong garbo alang kang Jesselle nga makoronahan isip bag-ong Miss City of Talisay karong tuiga gumikan kay kaniadto, usa lang siya sa mosaksi sa mga makoronahan ug wala siya magdahom nga moabot ang panahon nga mabutang sa iyang ulo mismo ang gikahinaman nga korona.

"I am really proud of myself what I have achieved this year. But as a beauty queen and as a role model, my feet are always on the ground", pulong pa niya.

Sa pagbalik-tan aw ni Jesselle kun giunsa niya pag-angkon ang korona, matud pa niya nga bugtong sekreto mao ang kanunay nga andam kun molugwa na sa entablado.

"Actually I don’t have fears whenever I am on stage. Before mag start ang show akoa nana ipahimutang akong kaugalingon nga nindot ko tan-awn sa stage so dapat everytime nga naa nako sa stage, kun unsa akong gipakita, mao nana akoang best for that pageant", asoy niya.

Alang kang Jesselle ,dako og natampo ang pagsalmot og pageant sa iyang kinabuhi tungod kay gawas sa kompyansa, aduna pa kini nahatag nga kaayuhan alang kaniya ug sa iyang pagkatawo.

"Dako og benefits ang mojoin og pageants, you can gain self respect and you will learn different lessons that you can apply all throughout your life. Makahatag siya og big impact sa usa ka kandidata", suma pa niya.

Pipila sa mga pagtulun-an nga nakuha ni Jesselle sa iyang pagsalmot og mga beauty pageant mao ang pagsaulog sa iyang pagkababaye ug ang pagkapakita og kaisog sa iyang kaugalingon nga mahimo niya nga dawaton ang unsa ang mahimong resulta sa kompetisyon.

Daw dili unta kini ang mahimong dagan sa kinabuhi ni Jesselle apan tungod sa pagdasig nga iyang nakuha sa nagpaluyo kaniya ug tungod sa iyang dako nga pagtuo ug pagsalig sa Ginoo nga aduna gyu'y maayo nga giplano alang sa iyang kinabuhi, gitaak niya kining maong kapalaran gumikan kay dako ang iyang pagtuo nga mao kini ang mohatag og kausaban sa iyang kinabuhi.

"I actually never dreamt of becoming a beauty queen. I always want my life to be simple, away from the spotlight but then later on I realized that this is one of the platform that I can mold myself into a better person and for that, I always believe that I can do it and to always believe in myself and in God", pagtapos ni Jesselle.

FASTFACTS

Name: Jesselle Baller Saniel

Nickname: Selle

Age: 20

Birthdate: November 10, 1998

Nationality: Filipino

Address: Biasong, Talisay City, Cebu

Height: 5'9''

Weight: 53kgs.

Vital Statistics: 32-23-33

School & Degree: University of San-Jose Recoletos - Bachelor of Science in Tourism Management

Favorite Song: Because You Loved Me

Favorite Movie: Disney movies

Favorite Color: Neutral Colors

Favorite Food: Sinugbang Baboy

Celebrity Crush: Roger Yap

Inspirational Beauty Queen: Pia Wurtzbach

Motto: No matter where life brings you, always keep your feet on the ground.

Previous Pageant Titles:

-Miss Talisay City Governors Cup 2017,

-Miss USJR-Intramurals 2018,

-Miss CITY of Talisay 2018