Kinsa ang gipanalipdan?

MANILA, Philippines — Nagpost  og mensahe sa iyang Twitter account ang TV host nga  si Maine Mendoza kalabot sa iyang kusganong pagsupak sa   bullying. Wala gibutyag sa aktres kung kinsa ang gidepensahan niya sa maong post apan daghan ang nagtuo nga si Arjo Atayde  ang iyang gipanalipdan . Si Arjo maoy gidungog nga uyab ni Maine.

Mitaliwan na

Nipanaw kagahapong adlawa ang former actress nga si Alona Alegre sa edad nga 70 anyos. Giikumpirmar kini sa igsoon sa aktres  nga si Phillip Salvador apan wala giasoy kung unsay hinungdan sa kamatayon niini. Nisidlak ang karera ni Alona niadtong dekada ’70 diin usa sa iyang ka-loveteam mao si Fernando Poe Jr.

Naguba ang zipper

Nagtrending karon sa social media ang hulagway sa  gown sa representative sa Pilipinas alang sa Miss Supranational 2018 nga si Jehza Huelar. Tataw sa maong hulagway nga naguba ang zipper sa maong gown ug gigamitan nalang og alpiril aron masira kini. Si Mister Supranational Philippines Marco Poli, kinsa nitan-aw sa maong pageant kay nipamatuod sa maong balita. Nasulod sa top 10 si Jehza apan napakyas pag-angkon sa korona.

Makauban ang iro

Usa ka “talented dog” ang mahimong co-star ni Sarah Geronimo sa upcoming film niini karong 2019. Ang maong pelikula dumalaon sa Viva Films ug The Idea First Company nga gipangulohan nilang Jun Lana ug Perci Intalan. Mao kini ang follow-up project nila ni Sarah ug Jun human sa ilang blockbuster movie sa Tagalog adaptation sa Miss Granny.

Mangunay og andam

Gipaambit sa Kapamilya actress Dimples Romana nga siya mismo ang mangandam sa noche buena sa ilang pamilya karong Pasko. “Yes. I’m thinking of comfort food. Kung gusto nila ng pop corn, sige, gawa tayo niyan. Spaghetti will be there also. Who doesn’t love spaghetti? Especially in my house, parang that’s what they always request for,"sigon pa sa aktres.

Unya nalang

Hangtod karon nagdumili gihapon pagpaambit si Anne Curtis kung unsa gyud ang plano nila sa iyang bana nga si  Erwan Heussaff   kalabot sa pagbaton  og bata. Bag-o pa lang nauli ang duha gikan sa usa ka buwan nga honeymoon didto sa Africa.  “I think, that’s a very private question again.Basta we enjoyed in Africa. But you know what, it will happen in God’s time and when it happens, I’m gonna share it with everyone,”ni Anne pa

Wala’y katabang

Gipaambit sa singer nga si Kean Cipriano nga dili matod pa sayon ang pag-atiman nilang Chynna Ortaleza ngadto sa ilang anak nga si Stellar hilabi na nga wala kini yaya. "I'm tired... Masaya. Nakakapagod lang,Sa pahinga naman, honestly, hindi naman talaga nakapagpahinga,"sigon pa niini.

Bag-ong Miss World

Gikoronahang Miss World 2018 ang Miss Mexico nga si Vanessa Ponce de Leon niadtong Sabado, Disyembre 8 didto sa Sanya, China. Gipulihan ni Vanessa si Miss World 2017 Manushi Chhillar. Samtang napakyas pagsulod sa top 30 ang kandidata sa Pilipinas nga si Katarina Rodriguez.

"Buwis-buhay scenes"

Nagshoot og "buwis-buhay scenes" ang aktor nga si Marco Gumabao didto sa dagat sa Batanes alang  sa Metro Manila Film Festival 2018 entry nga Aurora. Ex-boyfriend ni Anne Curtis ang role ni Marco sa maong pelikula. "When we were doing the scenes na lumalangoy kami sa dagat ng Batanes, nandoon yung kaba kasi ramdam ko yung current na napakalakas pero instead na matakot ako, I enjoyed it na lang,"paambit pa sa aktor.