Nadine ug Sam sulayan
CEBU, Philippines — Sa labing unang higayon, mag-uban sa usa ka proyekto sila si Sam Concepcion ug Nadine Lustre pinaagi sa dance musical movie nga "Indak".
"We're super excited kasi there will have a lot of dancing, a lot of production numbers. That’s what I’m looking forward to," suma pa ni Nadine.
Suma pa ni Nadine nga komportable ra siya kang Sam gumikan kay suod kaayo kini sa iyang boyfriend nga si James Reid.
Mag-agi gyud ang duha og lapad nga training isip preparasyon sa maong proyekto.
"Well, the theme of the movie is very different and I think maha-highlight dito is 'yung dancing... It's going to be heavy dancing," matud pa ni Sam.
Malakip usab sa maong pelikula ang magka-loveteam nga sila si Julian Trono ug Ella Cruz.
LJ nagpa-block screening
Gipasigarbo pag-ayo sa GMA-7 star nga si LJ Reyes ang boyfriend niya nga si Paolo Contis gumikan sa hugyaw nga performance niini sa pelikulang "Through Night and Day" .
Nag-organize mismo si LJ og block screening alang sa maong pelikula.
Kapares ni Paulo sa "Through Night and Day" ang aktres nga si Alessandra de Rossi.
Nitambong usab sa block screening ang mga kauban ni Paolo sa Bubble Gang nga sila si Betong Sumaya, Lovely Abella, Valeen Montenegro,ug Boy 2 Quizon.
Naa usab ang presenya nila ni Gina Alajar ug Dingdong Dantes. (Sanden J. Anadia)
Paukyab ni Maja
Nahugyaw ang fans ni Maja Salvador sa dihang ni-post kini sa iyang wish sa Instagram.
Nagmalaumon si Maja nga magpadayon ang pagbaton og himsog nga lawas ingon man usab makaangkon og malipayong lovelife,.
Sa pagbakasyon niya sa Thailand sa miaging adlaw, wala niya palabya ang pagsuwat sa iyang wish sa usa ka sky lantern sa wala pa kini palupara.
“Mag wi-wish ka na lang... itodo mo na,” suma pa sa Instagram post ni Maja.
Katapusang nauyab ni Maja mao si Gerald Anderson kung diin nagkabuwag sila niadtong 2015.
- Latest
