TonGel

CEBU, Philippines — Gipaambit sa Kapamilya actress nga si Angel Aquino nga wala na siya nangandoy nga mahimong official ang loveteam nila ni Tony Labrusca nga mas nailhan nga TonGel. Kasamtangang init ang tandem sa duha gumikan sa ilang digital series nga Glorious.  Nasayran nga na-busy ang IWantTV sa miaging adlaw gumikan sa maong serye. "Glorious is enough. If that extends to other things it would be nice but okay na ‘yun. Ako I enjoyed Tony. I enjoyed his company and his professionalism. [But] whatever experience comes after that, will be so much welcomed of course. Why not?,” asoy pa niini

Wala'y usbon

Giasoy sa Head of Production ug President sa Triple A Management nga si Rams David nga wala matod pa sila'y usbon sa programang Sunday Pinasaya bisan paman nga gi-reformat na ang kaatbang niini nga variety show nga ASAP nga gitawag na karon og ASAP Natin 'To! “Wala, walang gagawing pagbabago. Kung yun ang gusto nilang gawin, pagandahan na lang tayo,"asoy pa niini.

Mahalon nga relo

Daghan ang namangha nga  netizens sa kamahal sa gisul-ob nga relo ni KC Concepcion. Giingong nikantidad kini og P21.7M nga gitawag og Lady Nuit des Papillons Watch gikan sa French brand nga Van Cleef & Arpels.

Undangon ang suporta

Giundang na sa Philippine National Police ang suporta niini ngadto sa produksyon sa seryeng Ang Probinsyano sa ABS-CBN. Kini human nireklamo ang PNP nga daw nipakita ang maong serye og bati nga imahe sa mga kapolisan tungod sa dagan sa istorya  niini. "All units, offices, and personnel are advised to withdraw their support to the teleserye in terms of PNP resources like patrol cars, firearms, personnel, venues, and other items and gadgets being used in the teleserye,"sigon pa sa official statement sa PNP.

Wala'y mataktak

Giasoy sa Asia's Songbird Regine Velasquez nga wala'y tangtangon nga artista sa pag-reformat sa ASAP. "I don't think they are taking out anyone. Di ko naman nabalitaan yun that they are taking out anyone to supposedly accommodate me..Magtu-twenty five years na ang ASAP. Ang tagal na rin, they needed to reformat siguro,"sigon pa ni Regine.

Tipik lang sa kagahapon

Gibutyag sa  Kapamilya star  nga Barbie Imperial nga wala siya'y kalagot ngadto ni Paul Salas human sa kontrobersyal nilang panagbuwag niadtong Hulyo. "Well, ako rin naman, wala akong sama ng loob sa kanya. Kung anuman din ang success niya ngayon, proud din naman ako,"sigon pa sa aktres.

Nagmalaumon si Vice

Nagmalaumon ang komedyanteng si Vice Ganda nga maplantsa ra gyud sa dili madugay ang problema tali  sa ABS-CBN series nga FPJ's Ang Probinsyano ug mga ahensiya sa gobyerno nga Philippine National Police (PNP) ug Department of Interior and Logal Government (DILG).“Malinis ang intensyon ng Ang Probinsyano kaya matatapos at matatapos ang problemang ‘yan nang madali lang," ni Vice pa.

Naabtan og kadlawon

Record breaking matod pa ang nahitabong 15th anniversary concert ni Jed Madela niadtong Biyernes didto sa Araneta Coliseum . Kini human naabtan og kadlawon ang iyang pasundayag. Pipila sa iyang guest performers mao silang Regine Velasquez ug Vice Ganda.

"Family is Love"

Hingpit nang gipakita sa ABS-CBN network ang ilang Christmas station ID 2018 atol sa  programang ASAP Natin 'To! kagahapong adlawa.  Ang ilang awit nag-ulohan og  "Family is Love" nga gikanta sa mga big stars sa Kapamilya network  nga sama nilang Sarah Geronimo, Gary Valenciano, Zsa Zsa Padilla, Martin Nievera, Ogie Alcasid, Regine Velasquez ug uban pa.

Nagminyo na

Gikumpirmar sa Pop Singer Justin Bieber nga minyo na gyud sila sa model nga si Hailey Baldwin pinaagi sa pag-post og hulagway nilang duha sa social media nga nag-holding hands. "My wife is awesome," caption pa sa 24-anyos nga singer.