Panghilabot sa DILG

CEBU, Philippines — Nihulga ang Department of Interior and Local Government (DILG) ngadto sa teleserye sa ABS-CBN nga FPJ’s Ang Probinsyano nga kasuhan nila kini kun dili  usbon ang plot o estorya sa maong serye diin nagpakita sa mga kahiwian sa kapolisan ug ubang government officials. “We will seriously consider filing legal action and imposing sanctions if Ang Probinsyano continues with their grossly unfair and inaccurate portrayal of our police force,” pamahayag pa sa  ahensiya.

Ogie nihilak

Gipaambit sa singer nga si Regine Velasquez nga nagselos matod pa si Ogie Alcasid sa dihang nagpares silang Robin Padilla sa  pelikulang Till I Met You niadtong 2006. “He called me one time and he was crying and he felt so bad na parang, ‘Bakit kailangan niyo pa gawin yun?’ E, wala. Promo lang naman yun, e. ‘Tapos hindi niya maintindihan,”paambit pa ni Regine.

Pag-ampo para sa anak

Nagpatabang og ampo ang aktres nga si Wendy Valdez para sa gikatakdang hip surgery sa iyang one-year-old son nga si Seth karong umaabot nga mga adlaw. Kahinumduman nga gipahibalo sa former Pinoy Big Brother housemate nga hiwi ang bukog sa bat-ang sa iyang bata ug kinahanglan kining magsul-ob og braces aron matupong kini. “I am asking for your prayers for Seth once again. Before his operation, for him to be strong and prepared,”post pa sa aktres.

Mas gusto og private

Gipaambit sa Kapuso hunk actor Jak Roberto ang rason nganong mas gipili nila ni Barbie Forteza nga himuong pribado ang ilang relasyon. “Choice naman namin yun, kasi kahit na nasa showbiz kami, gusto namin parang i-private yung sa’min. Para walang pressure. Kasi ‘pag maraming nakakaalam, andaming ine-expect sa inyo. Ang daming demand sa inyo,” sigon pa sa aktor.

Apektado sa pagpanaway

Miangkon ang actor nga si Pepe Herrera nga apektado gihapon siya sa reaksyon sa mga tawo nga dili mutuo sa iyang adbokasiya kalabot sa pagpanalipod sa atong kinaiyahan. “Pero aaminin ko, I still get affected by reactions of people who don’t take what I do seriously. Mula nung simulan ko magpulot ng basura sa kahit anong dalampasigan na madaanan ko, I have seen sarcastic facial reactions and remarks from people,”asoy pa niini.

Naka-duet si David

Nakaduet nilang JBK, Mikee Misalucha ug former Tawag Ng Tanghalan contestant Anton Antenorcruz ang American Idol alumna David Archuleta atol sa gipahigayon niining concert didto sa kaulohan miaging adlaw.  Giawit nila ang bag-ong mga kanta ni David ubos sa bag-ong album niini nga “Winter in the Air.”

 Regular na sa ASAP

Gianunsyo sa  Tawag Nang Tanghalan o TNT  Boys nga  regular na sila nga performers sa ASAP, dungan sa pag-reformat sa maong programa karong adlawa. “Sobrang saya. Gusto po naming iannounce  na magiging regular na kami sa ASAP! May mga makakasama (kaming mag-peperform) na mga stars,”sigon pa sa maong grupo.

Heart gipasidunggan

Nakadawat og Equality Champion Award si Kapuso star Heart Evangelista gikan sa LGBTQ+ groups atol sa Equality Night niadtong Huwebes. Nailhan si Heart nga usa ka avid supporter sa LGBTQ+ community. Nagpasalamat ang aktres ngadto sa maong grupo pinaagi sa pagpost sa Instagram.

Reaksiyon ni Kakai

Mihatag sa iyang reaksiyon ang komedyanteng si Kakai Bautista kalabot sa pag-uyon sa Supreme Court ngadto sa order sa Commission on Higher Education (CHED) nga tangtangon ang Filipino, Panitikan ug Philippine Constitution isip subjects sa kolehiyo.  “OK lang ituro sa atin lahat ng lenguaheng banyaga, WAG lang tanggalin ang karapatan nating matutunan ang Tamang panitikan at wikang Pilipino,”paghot pa sa komedyanteng aktres.

Kapamilya gihapon

Onse ka mga Kapamilya stars ang nagdungan og renew sa ilang kontrata ubos sa ABS-CBN. Pipila niini mao silang Kim Chiu,Gerald Anderson, Sam Milby, Arjo Atayde, Billy Crawford, managsuong Alex ug Toni Gonzaga ug uban pa. Ang bag-o lang nipirma og kontrata nga mga Kapamilya stars kay may nakalinya na nga proyekto sa ABS-CBN.