Maymay imbitado sa Arab Fashion Week

CEBU, Philippines — Nakadawat og imbitasyon si Maymay Entrata aron malakip sa casting call sa Arab Fashion Week didto sa  Dubai karong buwana.

Giimbitar mismo ang  Pinoy Big Brother Lucky Season 7 big winner sa  AMATO couture nga gidumala sa  Filipino designer  nga si Furne One.

Kung dawaton ni  Maymay ang maong offer, siya ang labing una nga Filipina nga morampa  sa runway sa  Arab Fashion Week .

Una na nga gibutyag ni Maymay nga intresado siya mahimong modelo.

Best in pakilig

Nipadangat og makakilig nga mensahe si JM de Guzman ngadto kang Barbie Imperial ug gikabotan kini og maayo sa ilang  fans.

Sa iyang latest IG post, iyahang gipadayag kung unsa niya ka pinangga si Barbie.

"Dearest love, I'd go against the world just to win your heart, I'm willing to sacrifice a lot just to win you. I love you with all my heart,” suma pa ni JM.

Kahinumdoman nga nagkapares sila si JM ug Barbie sa teleseryeng "Araw Gabi" sa ABS-CBN.

Wala gihapon mohatag og katin-awan ang duha sa ilang  istado. 

LizQuen movie unahon og buhat

Gibutyag ni Enrique Gil nga malangan pa ang shooting ni Liza Soberano sa pelikulang  Darna  gumikan kay duna pa’y pagahimoon nga revision sa  script  niini .

Gawas niini, operahanan usab ang tudlo ni Liza  nga maglisod og lihok human nadisgrasya sa usa ka stunt niini sa Bagani kaniadto.

Samtamg giandam pa ang Darna,  pagabuhaton una ni Liza ang subling panagpares nila ni Enrique sa movie screen.

Mag-uban ang duha sa laing pelikula nga pagadumalaon sa Black Sheep Productions. 

International singers naapektohan sa sunog

Nalakip ang mga  balay sa singer   nga sila si Miley Cyrus ug Neil Young nga  naugdaw sa nahitabong sunog  didto sa  California.

" My house no longer stands but the memories shared with family & friends stand strong,” suma pa ni Miley.

Samtang  si Lady Gaga boluntaryong  nibiya sa iyang panimalay subay sa mando sa otoridad sanglit kuyaw  na nga maabot sa ilang dapit ang higanteng sunog.

Nganong nihilak si  Regine?

Dili gyud malikayan nga mogawas gyud ang pagka—emosyonal ni  Regine  Velasquez  sa higayon nga mo-perform sa mga programa sa ABS-CBN.

Sa  episode sa Magandang Buhay kagahapon,  gikanta niya ang  On The Wings Love  ug puwerting hilaka ni Regine .

Matud pa sa singer nga mao kini ang labing unang higayon nga gikanta niya ang On The Wings Love   sa studio sa ABS-CBN.

 “Here, right here, I feel medyo nostalgic. Tapos I realize that it’s really my first time,” sabi ng singer,” suma pa ni Regine.

Intimate scene dayon

Tsika pa sa Kapuso actress nga si Sanya Lopez nga intimate scene dayon ang gibuhat nila ni Dennis Trillo sa pagsugod sa shooting sa upcoming GMA series nga "Cain at Abel."

"Unang take 'yun agad, una naming scene 'yun agad," suma pa ni Sanya.

Matud pa ni Sanya nga gentleman kaayo si Dennis busa komportable ra siya niini.