#MakeUpByNicko

CEBU, Philippines – “Wa ko nag-expect nga mahimo kong makeup artist kay sauna mas hilig ko og public speaking ug stage play. Nagkadugay na intriga ko ug na-engganyo sa pag -face paint ug didto nako na- realize, why not mo try ko mag -makeup artist. Nag-edad ko og 16 sa dihang nasugod sa maong butang.  I was working for a BPO company while still doing what I love which is makeup. Kay makeup is expensive and I need to earn from my own hardwork and sweat para makapalit sa tanang butang. Lisod mag -start labi na if ganahan ka mulahutay sa imong ganahan nga field.”

Mao kini ang pagpabuhagay ni Nikko Dela Peña, usa sa mga misulbong nga make-up artist karon sa Sugbo kun indigay na sa kaanyag ang hisgutan.

Ubay ubay na nga mga beauty queen ang miagi sa pagkilatis sa iyang mga kamot.

Karong bag-o lang, usa sab siya sa nagpaanyag sa gikoronahang Binibining Cebu Charity 2018 nga si Tracy Perez nga nag representar sa Madridejos.

Siya usab ang nahimong make-up artist sa Miss Earth 2014 nga si Jaimee Herell atol sa iyang mga fashion show ug gigs dinhi sa Sugbo.

Mao usab ni Lara Quigaman atol sa usa ka event didto sa Bohol.

Pipila sab sa mga celebrity nga iyang napaanyag nga dili  niya malimtan mao silang Matteo Guidicellie ug local TV  personality Blinky De Leon.

“Nisugod og lahutay ang akong career sa pag makeup sa local magazine. Didto gyud na -enhance og maayo ang akong talent sa makeup ug nasundan kini og weddings and casual events. Siguro dili ko kaingon nga maayu kaayu ko nga makeup artist kay kita tanan masayup ug naay nagkadaiyang challenges when it comes to client handling. Pero ganahan ko mahinumdoman ko sa kadaghanan isip makeup artist nga dali ra kaayong ka- istorya, ug flexible sa demand sa client,” dugang pa niya.

Sa kasamtangang, dakong hagit alang kaniya isip usa ka make- up artist mao ang traffic sa syudad.

Tungod matud pa niini, mapugos na lamang siya sa pag- angkas og habal habal arun makaabut on-time sa iyang make-up appointments nga di na lamang manumbaling sa singot ug usahay mabasa pa sa kusug nga bunok sa uwan.

Sa trend sab karon sa make-up, gipaambit niya nga mas in karong panahona ang monochrome o kun one tone make up diin gikan sa mata, blush on ug lipstick, magsusama ang mga color niini.

Silang Wenwen Zaspa, Emy Ayag ug Jonas Borces maoy matud pa ang pipila sa iyang mga giidolo nga make-up artist ug dakong kalipay matud pa niya ang iyang masinati sa panahong magkauban sila niini sa usa ka event .

Gawas sa iyang pagka make-up artist, busy sab siya sa boxing, calligraphy ug pag voice over sa nagkadaiyang events.

Sa tanang mga pagsuway nga naagian ni Nikko sa iyang kinabuhi, mapasalamatun siya sa mga pagtulun-an nga gidalit niini kaniya nga maoy nakapa lig- on sa iyang pagkatawo ug pagka make-up artist.

Sa padayun  niya nga pag- aginod, nakat -onan sab niya ang paghupot og mga pagtulon-an nga maoy angayang pagahuptan sa usa ka make-up artist arun maangkon ang igong kalampusan sa kinabuhi.

Mapasigarbuhon usab niyang gipaambit nga ang pagmake up mao’y nahimong bread and butter sa iyang pagpakabuhi niining kalibutana.

Mao kini ang gikutluan niya isip main source sa tanan niyang mga galastuhanan maong dako gayud kaayu ang iyang pagpasalamat niini.

“Sa clients nga nisalig, ug sa mga umaabot pa nga customers, daghan gyud kaayung salamat sa walay undang nga pagsalig ug labaw sa tanan ang pagbalik-balik nga pagpa makeup labi na sa mga special events ninyo. Wala ko dinhi run kung dili pa sa inyung suporta,” suma pa niya.

Name:

Nikko Dela Peña

Address:

Escario, Cebu City

Birthdate:

February 18,1996

Facebook Account:

Nicko Dela Peña

Email Add:

[email protected]

BNH: Kinsa man ang imong inspirasyon sa imong pagka make-up artist?

Nikko: Isip usa ka bread winner, akong pamilya gyud ang akong inspirasyon hinungdan nga  nilahutay ko  sa akong napiling career .

BNH: Sa unsang panahona makaingun ka nga hingpit na gyud nimong nakab ot ang imong break isip make- up artist?

Nikko: For me career is a never ending chase. Para nako big break ang tanang events nga akong ginabuhat.