Follow-up project
CEBU, Philippines – Human sa kalampusan sa Araw Gabi, mobida na usab pagbalik ang Kapamilya star nga si JM de Guzman sa lain na sab nga soap opera nga padayon pa nga giluto sa Kapamilya network. Wala pa modetalye si JM kabahin sa maong serye. Gawas sa maong proyekto, busy usab ang aktor sa promosyon sa pelikula nila ni Rhian Ramos nga “Kung Paano Siya Nawala.
Nakasinati og depresyon
Gitug-an ni Albie Casiño nga nakasinati siya og depresyon kaniadto tungod sa pagkalambigit niya sa isyu nga siya ang amahan sa anak sa iyang kanhi nga hinigugma nga si Andi Eigenmann. Matud pa ni Albie nga dili siya gusto nga motingog sa maong isyu gumikan kay dili siya ganahan nga makabuhi og mga pulong nga dili maayo ngadto kang Andi. “Well, since babae rin kasi, hindi ba? Automatic ang sympathy nasa babae. Ako rin bilang lalaki I don’t want to badmouth a female. Doon ko na po nasimulan ang pag-practice ng the art of deadma. Deadmahin mo na lang lahat”, suma pa ni Albie.
Naguol sa Pagbalhin
Wala gitago ni Marian Rivera ang iyang gibati nga kaguol sa dihang nahibaw-an niya nga nibalhin na sa laing network ang iyang gihangad sa Kapuso network nga si Regine Velasquez. Matud pa ni Marian nga suod gyud sila ni Regine. Dugang pa niya nga girespeto niya ang desisyon sa singer. “Ang importante diyan, kung saan siya mahalaga, kung saan siya magiging masaya, doon siya. Kasi bilang ako, bilang kaibigan ko siya at ninang namin siya eh nirerespeto ko kung ano ang desisyon niya”, suma pa ni Marian.
Kagahapon ni Jinkee
Daghan ang wala masayod nga kanhi beauty queen usab ang asawa ni Manny Pacquaio nga si Jinkee Pacquiao. Gani, sa throwback photo nga gi-post ni Jinkee sa iyang Instagram account, lakip siya sa 13 ka mga kandidata kinsa mao ang nagtigi sa titulo nga Binibining Heneral Santos o Miss Gensan niadtong 1996.
Dream house
Tambag pa ni Maine Mendoza ngadto sa mga millennial nga kinahanglan gyud nga magtigom aron adunay mahatag nga regalo sa kaugalingon. Tungod kay mao na kini ang naandan ni Maine, ang bugtong regalo niya sa iyang kaugalingon mao ang pagsugod og pagpatukod sa iyang dream house. Matud pa ni Maine nga mas maayo nga makapundar og sayo aron dako ang agi sa iyang hinagoan.
Madala sa balay
Tsika pa ni Ken Chan nga dili gyud malikayan nga madala niya usahay sa iyang panimalay ang karakter niya isip Boyet sa seryeng My Special Tatay. Matud pa nga bug-at ang gihatag niya nga emosyon sa iyang role busa permi niya kini nga madala.
Nadakin-as sa stage
Gipaambit ni Bb. Pilipinas-Grand International 2018 Eva Patalinjug pinaagi sa iyang Instagram account ang iyang kaagi human siya nadakin-as atol iyang pagpaso sa evening gown competition sa Miss Grand International. Ingon nga natamakan sa kandidata ang iyang gown. “Tonight, my heart is filled with joy knowing that my entire country stood up with me when I fell at the stage. I hope that I have shown courage, strength and the essence of rising from every stumble in life”, mensahe pa ni Eva.
Oras sa pagseryoso
Timeout una ang komedyante nga si Pokwang sa pagpakatawa sa usa ka pelikula. Seryoso ang iyang karakter sa pelikulang “Oda sa Wala” nga nalakip karon sa Quezon Cinema International Film Festival. Dugang pa ni Pokwang nga gigamit usab niya ang iyang tinuod nga pangalan nga Marietta Subong sa maong pelikula aron palahi napud sa naandan niya nga mga proyekto.
Nagpaayo pa
Padayon nga nagpaalim sa iyang mga samad sa lawas ang kanhi Boyband PH finalist nga si Markus Paterson kinsa bag-ohay lang nalambigit sa aksidente sa motor. Mipaubos og operasyon si Markus human nga nasuta nga nabali ang iyang wala nga batiis. Gipahibalo sab ni Markus nga kinahanglan gyud niya nga mopahuway og taman aron makalakaw na siya pagbalik.
Motrabaho na og balik
Mibalik na sa trabaho ang beteranong singer nga si Rico J. Puno human nga nipaubos og operasyon tungod sa iyang komplikasyon sa diabetes. Gani, andam na nga molugwa ang singer alang sa iyang konsyerto nga “Sana Tatlo ang Puso Ko” kung diin makauban niya sila si Giselle ug Marissa Sanchez. Mahitabo kini karong Nobyembre 23, 2018 sa Theater at Solaire.
- Latest