Pagpalapad sa adbokasiya

CEBU, Philippines — “Winning doesn’t only comes with victory and losing is not always about being defeated; it’s about experiencing things you never thought you can do”, padayag pa sa 18 anyos nga Filipino-Arabian nga si Kefaiah Al-zair kinsa mao ang nahimong Miss Dumajug 2018.

Siya sab ang bag-uhay lang nga nakoronohan nga Miss Gaisano Grand Malls 2018 nga nahitabo lang duha ka semana na ang nakalabay.

Si Kefaiah kinsa naggikan pa sa Sibonga miingon nga wala niya damha nga siya ang makoronahan karong tuiga sa Dumanjug gumikan kay maingon niya nga usa lang siya sa mga bag-ong tubo sa kalibutan sa indigay.

Gani, ang Miss Dumanjug ang labing una nga municipality title nga iyang naangkon.

Istorya pa ni Kefaiah nga nagsugod lang siya sa iyang pagrampa sa  miaging tuig.

Saysay pa ni Kefaiah nga suportado gyud siya sa iyang pamilya ilabi na ang iyang inahan kinsa mao gyud ang misugyot nga ipaubos siya og training human nga nakasalmot siya sa Governor’s cup didto sa habagatang bahin sa Sugbo.

“Pag -summer last year, my mom and I had an agreement that I’ll be having a catwalk training sa Cebu para makahibalo ko mopaso in heels”, suma pa ni Kefaiah.

Tungod kay dili taga syudad si Kefaiah, nakahukom usab ang iyang inahan  nga dinhi una mopahiluna sa Sugbo si Kefaiah aron dili na siya mahago og byahe paingon ug pabalik dinhi sa siyudad kun asa siya nagkuha og training sa pagrampa.           

Dugang detalye pa ni Kefaiah nga lahi ang management nga nagpukaw niya sa beauty pageant.

Ang labing una nga pageant nga iyang nasalmutan gawas sa shool pageant mao ang Miss Gaisano Country Mall.

Dinhi nasukod ni Kefaiah ang iyang potensyal ug makasugakod ba siya sa maong butang  nga iyang gisudlan.

“Nag-ampo ra ko the whole time sa show and luckily nadungog akong mga pag-ampo kay nindot ang resulta kay I was chosen as the winner”, matud pa niya.

Gipaambit usab ni Kefaiah nga dili lang sa pagkamaayo sa pagrampa, ang titulo ug ang maayong dungog ang gitinguha niya sa  pagsalmot og beauty pageant.

Pulong pa ni Kefaiah nga gusto niya nga pinaagi sa mga indigay nga iyang salmutan, mahatagan og higayon ang gusto niya nga ipakatap sa kadaghanan ang adbokasiya niya  nga naghisgot sa paghatag og kaamguhan o kaalam mahitungod sa pagpanalipod sa atong kalikupan ug ang pagpakunhod sa social depression.

“Mao gyud ni ang problema karon sa kadaghanan labi na sa mga millennial.

Mao nga with the titles I have, I want to be the voice to help them overcome their problem ang the problem that we are facing right now sa atong environment”, suma pa niya.

Karon nga nahimo na siya nga rayna sa  Dumanjug, gawas sa mga pasiunang kalihokan nga sama sa pagbisita sa mga maanindot nga dapit sa maong munisipalidad, andam na sab siya nga hatagan og katumanan ang iyang adbokasiya pinaagi sa mga pagahimuon nga activities niini.

“I am very willing to advocate my advocacy because this is one of the purposes of every beauty queen. Bisan og starting pa ko but this is what I should maintain---ang akong purpose nga akong mabuhat as a beauty and as a person.

Happy ko nga makatabang sa uban. I am thankful and blessed with the title given to me because it feels like winning not just the title but the responsibility. Through the title, makatuman ko sa akong plans which is help in my own ways”, pagtapos pa ni Kefaiah.