Gabby ipares kang Jen

CEBU, Philippines — Si Gabby Concepcion maoy makapares ni Jennylyn Mercado sa umaabot nga  drama series sa  GMA 7.  Dili diay si Derek Ramsay ang makauban sa aktres sukwahi sa unang nigawas nga report.

Jodi detoxification specialist na

Hingpit na gyud nahimong   acupuncture detoxification specialist ang aktres nga si Jodi Sta. Maria human kini nipaubos og training sulod sa pipila ka mga adlaw. “By healing an individual, you heal a community. You need not be a medical practitioner to do this - all you have to be is someone who cares for another person’s well being,” tipik sa post ni Jodi.

Naka-project dayon

Gihatagan dayon og proyekto sa ABS-CBN ang mga komedyante nga sila si  Jobert Austria, Nonong ug Miss Qand A finalist Elsa Droga.  Malakip ang tulo sa programang Sorpresaya,  ang bag-ong game show sa ABS-CBN Plus channel nga Cinemo.

Gipakpakan og maayo

Gipakpakan og maayo ang performance nila ni Lea Salonga ug  Simon Bowman atol sa 40th anniversary  concert sa nahiuna niadtong Sabado. Nahitabo ang concert ni Lea didto sa PICC Plenary Hall.

Magpasikat winner

Ang grupo nila ni Karylle ug Jhong Hilario maoy champion  sa noontime show nga  It’s Showtime. Gipakita sa grupo ni Jhong ang talagsaon nila nga performance kung diin nahugyaw gyud og taman ang TV viewers.

Gihangop sa Sydney

Gidumogan  didto  sa  Australia  ang taping sa  ASAP Live sa Sydney sa miaging adlaw.   Usa  sa giabibahan og maayo sa mga tawo mao ang  paglugwa sa bag-ong  Kapamilya star nga si Regine Velasquez.

Magpadayon gihapon

 Dili madayon ang target ni Anne Curtis nga matud pa katapusan nalang niya ang concert ang “AnneKulit  niadtong August.  Suma pa nga duna kini Canada Tour karong March 2019 busa nangandam na niini ang singer.

Mahiligon sa pagpaso

 Wala gilimod sa asawa ni Manny Pacquaio  nga si   Jinkee Pacquiao  nga mahiligon gyud siya mosalmot og mga indigay   sa   panahon sa iyang pagka-dalaga. Nag-post og throwback photo si Jinkee kung diin naka-bikini pa kini.

Jason mihimakak

Hugtanong gihimakak ni Jason Abalos ang tsismis nga matud pa nag-ipon na sila sa  iyang girlfriend nga si  Vickie Rushton.  Dili ra manumbaling ang aktor sa maong intriga gumikan  kay  sila ang nasayod sa kamatouran.