Rason sa panagbuwag

CEBU, Philippines — Gibutyag ni Bea Alonzo ang usa sa rason nganong nagbuwag sila ni Gerald Anderson niadtong 2010 mao nga  wrong timing gyud ang ilang relasyom gumikan kay dili madawat sa inahan sa aktres ang actor.  Nakadawat sab si Bea og mga death threats gikan sa mga fans sa Kimerald.

Excited makatrabaho

Excited sab gyud si Ogie sa himuon nga sitcom alang kanila sa iyang asawa nga si Regine Velasquez. Matud pa ni Ogie nga mao kini ang labing una nga sitcom nga ilang buhaton. “Siyempre excited, gusto kong kumanta with her, umarte with her, and I’m sure marami sa mga Kapamilya artist natin ang magiging excited na rin na makatrabaho siya,” suma pa jud Ogie.

Pamaagi sa paghigugma

Mitikang sa Australia ang aktor nga si Paulo Avelino aron saulugon ang adlaw’ng natawhan sa iyang hinigugma nga si Jodie Tarasek. Ang maong pagtikang sa aktor sa maong dapit mao gyud ang pamaagi sa pagpadayag nga gihigugma gyud niya si Jodie gumikan kay gikansela una niya ang iyang mga appointment sa trabaho aron makauban kini sa espesyal nga adlaw.

Drug test

Mipaubos og drug test ang aktres nga si Aiko Melendez aron nga mamahimo nga maayo nga ehemplo sa iyang mga kauban sa buhat. “I wanted to set an example to other actors. Well, sad truth is am in (an) industry where drugs are rampant. Thank God ang gobyerno natin madaming ginagawa para maiwas tayo sa masamang bisyo. Get high with God and not drugs”, suma pa ni Aiko.

Crush si Maja

Giangkon ni Zeus Collins na hagbay ra siya nga na-crush kang Maja Salvador. Matud pa pa niya nga gikalipay niya pag-ayo nga nahatagan siya og oportunidad nga nagkauban sila sa usa ka production number gumikan kay dugay na gyud kini niya nga gipangandoy sukad pa niadtong usa pa siya sa mga back up dancers ni Maja.

Timeless Filipino singer

Gihulagway ni Jessica Sanchez nga usa ka timeless Filipino singer ang Asia’s Songbird nga si Regine Velesquez. Matud pa ni Jessica nga ang mga awit ni Regine ang usa sab sa iyang mga gidak-an nga mga kanta. Maingon sab nga usa sab siya sa mga miidolo sa singer tungod kay una nga nadiskubrehan ang iyang talento human nga miawit og mga kanta ni Regine kaniadto.

Miabot na

Miabot na kagahapon sa Tokyo, Japan si 2018 Binibining Pilipinas International Ahtisa Manalo aron mosalmot sa giatangan nga Miss International pageant. Mahitabo ang maong koronasyon karong Nobyembre 9, 2018.

Balik-trabaho na

Mibalik na sa limelight ang aktres nga si Kaye Abad human sa duha ka tuig nga pagpahuway sa showbiz human nga nakahukom nga makigminyo sa Sugboanong aktor nga si Paul Jake Castillo. Niadtong Biyernes lang, gisugdan na ni Kaye ang pagbuhat sa mga eksena sa umaabot nga serye nga “Nang Ngumiti Ang Langit”.

Guest sa concert

Usa si Janella Salvador sa mga guest sa concert ni Marlo Mortel nga “imMORTAllized” nga mahitabo karong Oktubre 26 sa Music Museum. Maingon nga mao kini ang higayon nga mag-uban pagbalik sa trabaho human nga una nga magkauban sa serye nga Be Careful With My Heart.

Kaagi ni Marvin

Daghang netizens ang na-touch sa long post ni Marvin Agustin sa iyang Instagram kabahin sa iyang kinabuhi. Sa maong post, nasaysay ang mga pait nga kaagi niya sa iyang kinabuhi ug usa na niini mao ang  kahimtang sa iyang pagtuon. “There’s nothing special about me, di ako galing sa mayamang pamilya, ni hindi nga ako nakatapos ng college at pati elementary at HS di halos makapasok kasi di bayad ang tuition fee at walang baon at pamasahe sa jeep. Kagaya mo lang din ako”, suma pa ni Marvin.