Hayward nakaduwa na'g balik
Emmanuel B. Villaruel (Banat) - September 30, 2018 - 12:00am

CEBU, Philippines — Gipilde man tuod sa Charlotte Hornets ang iyang team nga Boston Celtics, 104-97 pagsugod sa NBA pre-season games kagahapon,  apan si Gordon Hayward gibati gihapon og tumang kalipay gumikan kay nakabalik na siya og duwa sud sa dul-an usa ka tuig nga pahuway.

Si Hayward mitali og 10 puntos sa labing una niyang aksiyon sud sa korte sukad niadtong Oktubre 17 sa miaging tuig diin siya nakahiagum og seryoso nga injury nga nakapalingkod kaniya tibuok season.

"Been waiting a long time to lace back up and get out there with the guys," matud pa ni Hayward nga miduwa sud sa 23 minutos diin siya mipasud og duha sa pito niya ka itsa.

Ang Celtics miabante og 20 puntos sa first half, apan ang Hornets milusad og nagbagang rally sa ikatulong kuwarter hinungdan nga sila maoy naglabaw, 84-81 padung sa fourth quarter. 

Sa kinatibuk-an, gilampaso sa Hornets ang Celtics sa second half, 59-37.

Pito ka Hornets ang milansang og double figures ubos sa pagpangu ni Jeremy Lamb nga dunay 15 puntos. Si Tony Parker mipakita'g aksiyon sa labing unang higayon sa Hornets human sa 17 ka tuig sa San  Antonio  Spurs, apan nabokya human masipyat ang tanan niyang tulo ka tira.

Sa laing bahin, si Ben Simmons mihipos og otso puntos, walo ka rebounds ug 14 ka assists sa  Philadelphia 76ers nga nimasaker sa Melbourne United, 104-84.

BALIK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with