Gusto og gubot?
Sanden J. Anadia (Banat) - September 25, 2018 - 12:00am

CEBU, Philippines — Naputos na hinuon og mga pagsaway si Jake Zyrus gumikan kay gisugnoran niya og balik ang panagbangi nila sa iyang inahan nga si Raquel Pempengco. Todo promote si Jake sa iyang libro nga naghisgot sa iyang kinabuhi ug nilutaw nga kontrabida ang iyang inahan. Pipila sa mga kritiko ni Jake ang nilenggua nga gibanhaw lang sa singer ang maong isyu nga dugay na unta nga nahilom.

Magdaginot na

Mapasalamaton Daniel Padilla sa iyang uya nga si Kathryn gumikan kay mao gyud kini ang kanunay nga tigtambag kaniya nga dili magpalabi og gasto.  Una na nga gibutyag sa aktor nga dili gyud malikayan ang iyang pagka-gastador ilabi na nga  ganahan kaayo siya sa usa ka butang.

Senyales

Niulbo karon ang tsika nga manamilit na sa dili madugay ang Saturday cooking show nga Sarap Diva ni Regine Velasquez kinsa gidungog nga mobalhin og laing network. Matud pa sa report sa PEP, dunay taho nga nigawas nga cooking show gihapon ang mohulip niini diin si Carmina Villaroel ang host. Matud pa nga Sarap Di Ba? ang mahimong titulo sa bag-ong show  nga gikatahong magsugod sa katapusang bahin sunod buwan.

Mao diay

Dunay problema sa working permit si Mr. Escort Greg Hawkins hinungdan nga nawala kini sa It’s Showtime.  Gikatahong daghan ang gianugonan kang Greg sanglit nakabaton na siya og followers.

Liwat sa amahan

Malipayong gipahibalo ni Victor Neri nga nisulod na sa showbiz ang anak niya nga si Vito. Kauban  ang iyang anak sa  pelikulang A Short History of Bad Things nga entry sa Cinema One Originals.

Dream house

Nagmaya si Maris Racal gumikan kay natuman na gyud ang iyang pangandoy nga makabaton og bag-ong balay. Matud pa niya nga nahuman na gyud ang konstruksyon sa iyang balay didto sa Quezon City. Matud pa ni Maris nga nag-abang lang siya kaniadto, apan tungod sa nagbaha niya nga projects, nakapatukod na gyud siya og kaugalingong balay.

Nakagawas sa prisohan

Nakagawas na sa prisohan ang kanhi  sexy star nga si Sabrina M  human napriso kaniadto tungod sa ginadiling drugas.  Suma pa ni  Sabrina nga  mag-usab na gyud siya sa iyang kinabuhi ug andam siya motrabaho bisan labandera o  katabang  sa balay.

Wala’y nausab

Wala gyu’y paghupas ang pagdayeg ni Ai-Ai delas Alas sa usa sa mga giisip niya nga anak sa showbiz nga si   Alden Richards. Matud pa sa komedyanteng aktres nga mapaubsanon gihapon si Alden bisan pa man sa kasikat niini.

Nagbuwag?

Niulbo ang tsika nga matud pa nagbuwag na sila si  Janella Salvador ug  Elmo Magalona.  Giingong  taod-taod na nga wala mag-uban ang duha sa pagpanuroy ug nihunong na pud sila sa pag-post og sweet nga mga hulagway sa social media.

Bea nakawatan sa Portugal

Masulub-ong gipahibalo sa Kapamilya actress nga si Bea Alonzo nga nakawatan siya og wallet atol sa iyang pagbakasyon sa Lisbon, Portugal. Tungod sa kadaghang tawo sa lugar nga iyang gisuroyan, wala na siya kabantay  nga nakuhaan na siya og pitaka.

JAKE ZYRUS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with