Sold out in a minute

CEBU, Philippines — Sold out sulod lang sa minuto ang MAC lipstick ni Maine Mendoza nga gibaligya pinaagi sa Lazada. Gikatahong P1,100 ang presyo matag usa, ug 1000 ka buok ang gibaligya. Apan may mga ni-question kay dili katuohan ang usa ka minuto gumikan dugay matud pa ang transaksyon niini. Pero, may mga nipasabot sab nga seconds ra matud pa ang kinahanglan basta aduna ka nay kaugalingon nga account.

Claudine pulihan ni Bela

Si Bela Padilla na matud pa maoy hulip kang Claudine Barretto sa umaabot nga Viva Films movie diin si Xian Lim maoy leading man niini. Gitakda nga sunod bulan na sila mularga alang sa shooting sa maong pelikula didto sa Chicago. Kahinumduman nga unang giplano nga himuon unta kini nga reunion movie nila ni Claudine ug Mark Anthony Fernandez.

Pwede basta 50ml

Nagkagubot ang mga netizen nganong adunay perfume ug bottled water sa hulagway nga gi-upload ni Heart Evangelista samtang sakay siya og eroplano nga unta gidili man kini. May mga niingon pa nga siguro espesyal si Heart kay business class man ang iyang accommodation. Apan kalmadong nitubag si Heart nga okay ra ang mag-hand carry og perfume basta dili kini mulapas og 100 ml. Niya pa, 50ml lang ang iyang dala nga perfume. Ang bottled water niya pa, hinatag sa airline company.

Out na sa MMFF

Dili na malakip sa Metro Manila Film Festival ang horror movie nga ‘Eerie”, starring Bea Alonzo ug Charo Santos Concio. Kini gumikan kay duha na ang entry sa Star Cinema alang sa umaabot nga festival. Gawas sa pelikula ni Vice Ganda kauban sila si Dingdong Dantes ug Richard Gutierrez, giduso sab sa maong movie outfit ang MJM Films movie, “The Girl in the Orange Dress.”

Ngano diay’g balikon?

Sukwahi sa ubang fashionista, balik balikon gyud ni Lovie Poe pagsul-ob ang iyang biste hangtud nga mahimo pa kining isul-ob ug wala pay buslot. Kasagaran man gud sa mga fashionista dili na isul-ob pag-usab ang ilang biste basta makuhaan na kini og hulagway ug makita na sa social media.

Andam na

Andam na si Catriona Gray alang sa umaabot nga Miss Universe Pageant nga adto sa Thailand ipahigayon karong December 16. “I’m about a 99 it’s that I want to prepare early kasi I don’t want to get stressed on November, I really just want to relax refreshed and review. I don’t want to be stressing about costumes or clothing this like that.”