Pinay sa Miss United Continents 2018
CEBU, Philippines – Nanawagan og suporta ang 24-anyos nga Pinay nga si Sarah Cruz Asido nga pambato sa Pilipinas sa 2018 Miss United Continents.
Pagahimoon unya ang maong indigay didto sa Ecuador ug dakong hagit kang Sarah nga mabawi ang maong titulo.
Kahinumdoman nga 2016 nalangkat sa Pinay nga si Jeslyn Santos ang unang korona sa Miss United Continents pageant.
“I know stressful po ang preparation part pero it gives me gigil po going to Ecuador. Emotionally, spiritually, physically, lahat po ng aspects po talaga,” tsika pa niya ngadto sa PUSH.
Gipatigbabaw gyud niya ang iyang determinasyon sa pag-angkon sa korona.
“Definitely meron, pero yung pressure po na yun is ginagawa kong motivation. Jeslyn is a very good friend of mine, we’re like sisters po and it’s a blessing po kasi I could go to her and ask po for some tips, part po sya ng journey ko, sobrang malaki po ang contribution niya sa journey ko po. Syempre po I want to follow her foot steps, kaya yung pressure na nafi-feel ko po ngayon is converted into motivation,” saysay pa niya.
Ejay na-starstruck kang Chae Soo
Nahimamat na gyud ni Ejay Falcon sa personal ang sikat nga Korean star nga si Chae Soo-bin.
Usa sa mga sikat nga serye ni Chae Soo mao ang “I’m Not A Robot” busa na-starstruck gyud si Ejay kaniya.
Nasayran nga nitikang si Ejay sa South Korea uban ni Lauren Young alang sa ilang guest appearance sa bag-ong SBS drama series nga “Where Stars Land” nga gibitoonan nila ni Chae ug Lee Je-hoon.
Bea nagpa-relax sa Dubai
Nag-enjoy og taman ang Kapamilya star nga si Bea Alonzo sa iyang pagbakasyon sa Dubai.
Nitikang ang aktres sa nagkalain-laing tourist destinations sa maong dapit, kini sama sa hotel nga Burj Al Arab, Sheikh Zayed Mosque, ug uban pa.
Sa pagbalik ni Bea sa nasud, ma-busy na usab siya sa promosyon sa pelikula nila ni Aga Mulach nga First Love.
Nadine miplastada sa lawas
Gipaukyab na pud ni Nadine Lustre ang online world human niya gipalutaw ang iyang sexy curves samtang tua siya sa Macau.
Gisul-ob sa aktres ang white bikini samtang nag-pose og snapshot sa Studio City Macau. Kasagaran sa iyang followers nidayeg sa abs ug sa pamanit sa aktres.
Nasayran nga dili kini ang labing unang higayon nga giplastada ni Nadine ang iyang sexy body. Iyaha na kining gibuhat sa nagkalain-laing dapit nga gisuroyan nila sa iyang boyfriend nga si James Reid.
- Latest