JC-Bela tandem suwayan sa TV
CEBU, Philippines – Human nagmalampuson ang ilang tandem sa nangagi nila nga mga pelikula, suwayan na pud ang chemistry nila ni Bela Padilla ug JC Santos sa telebisyon.
Malakip ang duha sa umaabot nga Kapamilya series nga pagabuhaton sa Dreamscape Entertainment Television.
Aduna kini working title nga “Mea Culpa” ug makauban nila sila si Tony Labrusca, Janice de Belen, Kit Thompson, Ivana Alawi, Sandino Martin, Ketchup Eusebio, ug Ayen Laurel.
Duha ka mga banggiitang direktor ang modala niini, kini naglangkob nila ni Andoy Ranay (“The Good Son,” “Till I Met You”) ug Dan Villegas (“Exes Baggage,” “Changing Partners”).
Kahinumduman nga ni-click kaniadto ang pelikula nila ni Bela ug JC nga “100 Tula Para Kay Stella” ug “The Day After Valentines.”
Gawas sa “Mea Culpa” , kasamtangang gigama sa sa Dreamscape ang seryeng The General’s Daughter,” “Kadenang Ginto,” “Starla,” ug “Honey My Love So Sweet.”
- Latest
