Dakong hagit kang Janine!

CEBU, Philippines – Gibutyag ni Janine Guttierez nga dili gyud basta-basta ang gipangbuhat  niya  sa  pantaseryeng Victor Magtanggol  nga gibidahan ni Alden Richards .

Tsika pa niya nga  todo gyud ang pagtan-aw niya og mga news program aron gyud mahatagan gyud niya og hustisya ang role niya isip reporter .

“Pinaghandaan ko talaga  yung role ko, meron naman siyang malaking parte sa  story, “ saysay pa ni Janine sa dihang nahinabi sa pipila ka mga sakop sa E-Group sa dihang nitikang  kini dinhi sa Sugbo dili pa lang dugay.

Usa sa gibuhat niya nga dili malimtan ang eksena diin gibitay siya sa taas nga building hinungdan nga gibati niya ang todo nga kakulba niadtong higayona.

“Medyo  mahirap po yung harness at yung stunts. Minsan may isang eksena na sinabit po ako ni Direk (Dominic Zapata) sa fourth floor sa labas ng building,” matud pa niya.

Nidagan na og  unom ka buwan ang taping nila sa maong show, sanglit  kinahanglan kini og igong pundo  ilabi na sa kalisod sa mga eksena nga ilang pagabuhaton.

“Nakapag-adjust na rin kami, buti nalang, nakaya namin yung  mga eksena na hindi namin inaasahan na gagawin namin,” hirit pa sa aktres.

Usa sa mga nag-una nga nag-obserbar sa iyang performance mao ang iyang inahan nga si Lotlot de Leon ingon man  usab ang iyang amahan nga si Monching Guttierez  nga  matag gabii gyud motan-aw og Victor Magtanggol.

“Yung mommy ko siya yung biggest critic, sasabihin n’ya talaga sa akin kapag hindi maganda or maganda  ang performance. Pero sa Victor Magtanggol nagustohan niya talaga ang performance ko. Matagal na si mommy sa industriya, kaya alam talaga niya ang mga bagay na dapat gawin, masaya naman ako dahil nandiyan siya palagi para gabayan ang career ko,” saysay pa niya.

Kung nakauyon ang iyang inahan sa performance niya sa Victor Magtanggol, apan dunay higayon nga naka-react  kini sa nangagi niya nga proyekto sa GMA-7.

“Ang natatandaan ko  ay yung unang teleserye ko na “Makapiling Kang Muli” starring Carla Abellana and Richard Gutierrez. May eksena po ako doon na babarilin ako. First ko pong makabitan ng `squib’, yung pumuputok pag nabaril ka. Ang dami pong wire. Tapos tinanong ko si Chard (Richard)  kung masakit ba ito. Sabi niya, “para lang kagat ng 500 na langgam.” Ha? Sobrang takot ko. Dahil sa panginginig ko, ang pangit-pangit ng acting ko as in ang pangit talaga. Sabi nga ni mama ‘wag mo nang ulitin yan ha nakakahiya,” paambit sa aktres. 

Kontento na si Janine sa dagan sa iyang karera sa GMA-7 ilabi na nga wala gyud mabakante ang iyang career.

Igo ra usab mopahiyom si Janine kung i-bash siya sa fans ni Alden nga wala makauyon kaniya sa pagkalakip niya sa maong serye.

“Hindi ko na yan iniisip, basta ako, nagtatrabaho lang ako ng maayos. Kung may sasabihin sila na hindi maganda, hinahayaan ko nalang. Basta masaya ako ngayon dahil positibo ang reactions ng mga tao na nanonood ng Victor Magtanggol,” tsika  pa ni Janine.

Gumikan sa iyang  kaguwapa, wala gihapon nahunong ang nadawat niya nga mga sugyot  aron pasalmuton siya og mga pageant.

Apan gitataw sa aktres nga wala gyud masulod sa iyang hunahuna nga mosulod sa maong butang.

“ Wala talagang plano, pero salamat  sa lahat na  nagsasabi  na puwede akong maging beauty queen.  Pero hindi talaga napasok sa utak ko na sasali ako sa mga ganyan,” panapos pa ni Janine.