Ejay ug Lauren, pasok sa K- Drama series

CEBU, Philippines — Dakong proyekto sa laing nasud  ang nadawata Kapamilya aktor nga si Ejay Falcon ug sa Kapuso aktres nga si Lauren Young. Malakip ang duha sa bag-ong Korean series  nga “Where Stars Land”.

Sila ang mga labing una nga mga Pinoy nga malakip sa Korean drama nga mapagawas sa major network sa South Korea nga SBS.

Nitikang na sila si Ejay ug Lauren niadtong Biyernes sa gabii paingon sa Seoul, South Korea alang sa shooting sa pipila nila ka mga  eksena.

Makauban sa duha ang mga Koreanong aktor nga sila si Lee Je-hoon nga bida sa Secret Door ug Tomorrow, With You ug si Chae Soo-bin  nga bida sa Love in the Moonlight ug I’m Not a Robot.