Very Impressive!

Nahugyaw gyud ko’g maayo sa nakalabay’ng mga adlaw. For the first time sukad ko nagmugna og FB account, karon pa ko nga gi-share akong profile picture. Ug dili kay ordinary sharing lang but 68 times. Hahaha! I know, mga graduates sa Sisters of Mary Boystown diha sa Minglanilla kay mapasalamaton sila sa akong gisulti pinaagi sa caption sa akong profile photo. In fact, daghan sab nila ang ni-add nako sa FB. Ang uban kay nag-PM gyud ug nagpasalamat.

Didto man gud mi nag-MARKado Live sa SMS Boystown campus adtong Martes sa hapon. Among gipakita ang ilang Rondalla performers ug Handbell Ringers nga mga internet sensation na karon.  Gipakita sab namo ang ilang champion Arnis team, gihinabi ang kadagkuan sa tunghaan ingon man tinugyanan sa Cebu Provincial Sports Commission ingon man mga coaches kay ni-champion man sab sila sa basketball ug arnis sa mga panagtigi nga ilang gisalmutan niining bag-o lang. Nagmalampuson among MARKado episode didto gumikan sa paningkamot sa akong amigo nga giisip na nakong igsuon nga si coach Van Parmis. Siya gyud nag-andam sa tanan! Pakpak

Pag-abot namo didto, nahugyaw mi’g maayo kay sa gym man gyud diay mi mag-live.  Ang nakahugyaw kay naa gyuy daghang estudyante—about 1,700 students. Unya kanang among MARKado Live ug uban pa nga show sa Banat News FB page, dili man gyud mi mugamit og microphone ana, ang built mic ra sa cellphone gyud amoa para nindot paminawon.  So the challenge was unsaon man nga dili magsaba ang 1,700 students samtang nagpadayon ang show? Pakkk!

So amo silang gihangyo nga dili lang gyud magsaba hangtud nga mahuman among show. Ug tuod man, disiplinado kaayo ang mga estudyante sa SMS Boystown uy kay wala gyud sila nagsaba, wala sab sila nagluhag sa ilang mga lingkuranan. Mutingog ra sila kon ako silang ingnon nga dapat mupakpak ug muabiba sila, ilabi na kon i-pan ang camera phone. Kahugyaw sa mga estudyante uy. Very impressive!

Nindot gyud na nga training ground diha sa SMS Boystown. Suma pa 40,000 na ilang graduates gyud. Successful na. And Coach Van told me nga kon mag-basketball matud pa sila—daghan kaayo sila’g court—usa ka whistle lang niya, mudiretso nanag linya ang mga estudyante sulod mismo sa gym. As organized and quick kaayo. And dili gyud matud pa na sila magluhag. Kon biyaan nimo sila, mao ra gihapon gyud na ilang porma sa diha sa ilang nahimutangan. Wow

SMS is a goldmine. There are a lot of talents there waiting to be discovered. This is where future champions are made. Nindot palandungon nga ang mga estudyante dinhi naggikan sa mga uyamot gyud kaayo nga pamilya sa Kabisay-an ug Mindanao. Daghan pa og panginahanglanon sab ang maong institusyon. Ato silang tabangan aron mas magmalampuson pa sila sa ilang mga paningkamot. Pangitaa sila sa FB: Sms Boystown.

Have a blessed Sunday, dear okRYANians!