Wala mausab
CEBU, Philippines – Gibutyag ni Liza Soberano nga mogahin gihapon siya og oras alang sa iyang mga higala nga dili artista. Tsika pa sa aktres nga bisan sikat na siya, dili gyud niya kalimtan ang mga tawo nga naa gyud kanunay sa iyang kiliran sa dihang dili pa siya artista.
Moral support
Malipayon si Vhong Navarro gumikan kay nitambong gyud ang iyang pamilya ug mga suod nga higala sa red carpet premiere sa pelikula niya nga Unli Life. Nitambong usab ang kanhi aktor ug kauban ni Vhong sa Streetboys nga si Danilo Barrios.
Alma nakahilak
Wala makapugong si Alma Moreno sa pagtulo sa iyang luha samtang nagtan-aw sa pelikulang Unli Life nga gibidahan sa iyang anak nga si Winwyn Marquez ug sa aktor nga si Vhong Navarro. Suma pa ni Alma nga proud kaayo siya sa performance sa iyang anak hinungdan nga emosyonal siya atol sa pagtan-aw niya niini.
Alex ug Paolo suwayan
Maghiusa ang Viva Flms ug OctoArts Films sa movie project nga pagabidahan nila ni Alessandra “Alex” de Rossi ug Kapuso star nga si Paolo Contis. Wala pa’y ideya ang duha kung kinsa ang makauban nila sa maong pelikula.
Moarte og balik
Dili na gyud mabangbang ang pagka-artista sa Fil-Am mixed martial artist nga si Brandon Vera gumikan kay human nalakip sa pelikulang BuyBust, molugwa usab siya ugma sa episode sa Magpakailanman. Makauban niya si Devon Seron sa maong episode.
Mapaubsanon man diay
Nahimuot pag-ayo si Mariel de Leon sa mga tawo nga iyang makatrabaho gumikan kay makugang gyud kini sa iyang batasan. Suma pa ni Mariel nga kasagaran sa mga tawo nga iyang mahimamat moingon gyud nga dili sila katou nga buotan ug mapaubsanon diay siya nga pagkatawo. Kanunay siya masaypan nga istrikta kaniadto.
K-Pop fan
Tsika pa ni Inigo Pascual nga K-Pop fan gyud siya apan nihunong na siya pag-post sa social media kalabot niini gumikan kay gisamokan siya sa mga tawo nga magsige og panaway kaniya. Una na nga gipadayag sa singer nga malingaw gyud siya sa higayon nga makadungog siya sa mga kanta sa K-Pop.
Baby girl
Malipayong gipahibalo sa magtiayong Troy Montero ug Aubrey Miles nga babaye ang umaabot nila nga anak. Temporaryong mahunong ang pagsige nila og larga aron makapahuway og tarong si Aubrey. Kahinumdoman nga kanunay nga mobakasyon ang magtiayon ug maghubo sa baybayon.
Pribado gihapon
Bisan pa man nga gisulti na ni Jon Lucas ang identity sa iyang asawa, nanghinaot gihapon ang aktor nga respitohon sa publiko ang ilang privacy. Ang usa sa mga dancer sa It’s Showtime nga si Shy Feras maoy asawa ni Jon.
Mobalik sa Australia
Karon nga mahuman na ang Bagani, mobalik si Makisig Morales sa Australia aron mopahuway. Target usab sa aktor nga mo-eskwela og balik sa maong nasud. Gibutyag ni Makisig nga nalingaw gyud siya sa Bagani gumikan kay napamatud-an niya nga wala pa gyud nahupas ang iyang abilidad sa pag-arte.
- Latest