Gipahimangnoan sa management

CEBU, Philippines – Gitambagan na si Joshua Garcia sa Star Magic nga minusan na ang iyang pagka-PDA (public display of affection) ngadto sa iyang onscreen partner nga si Julia Barretto. Apan matud pa sa aktor nga bisan pa man sa maong abiso, dili gyud siya makapugong nga ipadayag ang iyang pagbati ngadto sa aktres. Iyaha na hinuon nga gikontrol ang iyang kaugalingon aron dili na kaayo showy sa publiko.

Gilinyahan og proyekto

Nangayo og pasaylo ang Star for All Seasons nga si Vilma Santos sa iyang fans gumikan kay taud-taud na siya nga wala na makita sa telebisyon ug sa big screen. Gani, tulo na ka proyekto ang naghuwat kaniya lakip na ang usa ka reunion movie diin makauban niya sila si Nora Aunor ug Brillante Mendoza. Gitug-an ni Ate V nga gimingaw na siya sa showbiz ug nagmalaumon siya nga unta muluag na ang iyang schedule sa iyang trabaho sa panerbisyo.

Nahagit sa role

Tsika pa ni Iza Calzado nga dakong hagit kaniya ang pagkab-ot sa tukmang emosyon alang  sa iyang role  nga inahan sa umaabot nga  serye nila ni Julia Barretto ug Joshua Garcia nga “Ngayon at Kailanman”. Gipadayag ni Iza nga usa kini ka hagit sa iyang karera bisan ug sa makaduhang higayon na siya nga nakakuha sa maong role sanglit wala pa man siya’y anak sa tinoud nga kinabuhi,”I don’t have children in real life. That’s really where the uncomfortable feeling comes from. Kasi feeling ko minsan, tama ba ‘yung emotion na binibigay ko bilang isang ina?”, suma pa ni Iza.

M.U.  sa una

Giangkon  ni Sam Milby nga nakabaton gyud siya og pagbati kaniadto  sa iyang onscreen partner nga si Toni Gonzaga. Matud pa ni Sam nga hagbay ra niya nga gitug-an nga si Toni ang iyang first love sa showbiz ug wala niya gipangulitawhan ang aktres gumikan kay bata pa kini kaniadto ug wala pa siya tuguti nga makigrelasyon sa iyang ginikanan. Dugang pa ni Sam nga pareho sila og gibati ni Toni kaniadto apan wala kini nila hatagi og label.

Feeling bagets

Nibata ang pamati ni Alice Dixson sa dihang miangkon si Joshua Garcia nga crush siya niini. Nahimuot si Alice sa dihang “crush” ang itawag ni Joshua ngadto kaniya. “I find naman the scenario cute. Anak ko siya sa soap, kaya what else could it be but sweet”, suma pa ni Alice.

Nanalipod si mama

Saksi si Cherry Pie Picache sa pagkamaayong tawo sa iyang anak sa The Blood Sisters nga si Erich Gonzales. Matud pa ni Cherry Pie nga na- misinterpret sa mga tawo ang kinaiya sa aktres. “When you get to know her, parang Mentos iyan. Akala mo she’s tough and hard. She’s just really soft and very hardworking. She values her craft very well, her work very well, napakasipag. ‘Tapos sweet, she’s very prayerful, she’s very kind. She’s very appreciative”, paghulagway pa ni Cherry Pie.

Lahi ang prayoridad

Prayoridad karon ni Kris Bernal ang pagpalambo sa iyang negosyo ug  pagpadayon sa iyang trabaho sa showbiz. Matud pa ni Kris nga mao kini ang nag-una sa iyang listahan busa wala pa sa iyang hunahuna ang pagminyo. Aduna siya’y uyab karon apan dili pa gusto ang aktres nga mahimong usa ka asawa.

Nangayo og pasaylo

Nangayo og pasaylo ni Gabbi Garcia gumikan kay nasayop siya sa pag-deliver sa iyang showbiz news sa Chika Minute niadtong Martes.  Ang netizen nga nakabantay sa sayop, gitubag lamang kini ni Gabby og  “Oo nga eh hahahah sorry na hahahah di perfect”.

Nagbag-o na

Tak-om na karon si Mariel de Leon kabahin sa mga kasikas sa politika ug sa uban pa nga isyu sa komunidad. Matud pa ni Mariel nga wala na sab siya manumbaling sa iyang bashers. Maingon nga nagbag-o na gyud si Mariel tungod kay gusto niya nga magpabiling positibo ug malayo sa mga paghukom sa mga tawo . Kahinumduman  nga abtik kaayo mohatag og reaksyon si Mariel kaniadto sa pipila ka mga isyu.   Busy karon  si Mariel sa preparasyon sa remake sa Patayin sa Sindak si Barbara’ .

Buhaton tanan

Wala ra gyuy reklamo ang Kapuso aktor nga si Mike Tan sa tanan nga panginahanglan sa iyang asawa kinsa unom ka buwan nga nagsabak sa ilang kinamaguwangan nga anak. Tutok gyud si Mike sa tanan nga buhaton sa iyang asawa aron maseguro ang maayong panglawas niini.. Matawag nga all around maid si Mike sa iyang asawa apan dili kini niya himuon nga problema gumikan kay excited na sab siya nga makakita sa iyang liwat.