Probinsyano nag-sorry sa pamilyang Dantes
CEBU, Philippines – Nangayo na og pasaylo ang kadagkoan sa FPJ’s Ang Probinsyano ngadto kang Dingdong Dantes ug sa pamilya niini human gigamit niini ang ilang mga hulagway nga wala’y pagtugot kanila.
Sa statement sa production team sa maong serye, nipadayag sila nga wala sila’y dautang intensyon sa pagamit sa hulagway sa pamilya ni Dingdong.
Matud pa nga duna’y third-party contractor ang maong show aron maoy modumala sa props sa maong serye.
Wala matud pa kahibalo ang management nga nagamit sa duha ka episodes ang gi-edit nga hulagway nila ni Dingdong ug Marian Rivera atol sa ilang kasal ug sa bunyag sa ilang anak nga si Maria Letizia Dantes.
“The program is conducting further investigation to prevent a similar incident from happening in the future,” tipik sa statement sa Ang Probinsyano.
Kahinumdoman nga nagpadala og suwat si Dingdong sa production team sa Probinsyano aron ipadayag ang iyang kasagmuyo sa maong insidente.
- Latest