Matinabangon gyud
CEBU, Philippines — Nipatigbabaw gihapon ang pagkamatinabangon sa Kapamilya star nga si Angel Locsin gumikan kay lakip siya sa mi-rescue sa mga nabiktima sa kusog nga uwan ug grabe nga baha didto sa Manila. Gibisita ni Angel ang Barangay Malanday sa Marikina diin nang-apud-apud siya og hinabang sa apektadong mga pamilya sa maong dapit.
Nganong gidawat?
Tsika pa ni Megastar Sharon Cuneta nga komportable gihapon siya nga makatrabaho si Richard Gomez ilabi na nga ubay-ubay gyud nga mga pelikula ang ilang nagama kaniadto. Usa kini sa rason nga iyang gidawat ang “Three Words To Forever” sa Star Cinema. Hinuon dili kini mahimong isyu alang kaniya.”My God. We’ve been doing movies since before we married other people and even after we got married. It’s a non-issue now. That was a long time ago”, suma pa ni Megastar.
Natagad na gyud
Tsika pa ni Ketchup Eusebio natagad na gyud og maayo ang iyang katakos sa bag-ohay lang nga Cinemalaya Independent Film Festival busa grabe ang iyang pagmaya. Kahinumdoman nga siya ang napili nga best actor alang sa pelikula niya nga “Mamang.”
Epektibo ang treatment
Gipahibalo pinaagi sa Instagram sa kanhi host sa It’s Showtime nga si Eric “Eruption” Tai nga nagsabak ang iyang misis nga si Rona sa ilang unang anak. Ang magtiayon nakahukom nga magpaubos og IVF treatment aron nga makabaton na sila og liwat.
Fake news
Gikataw-an na lang ni Ian Veneracion ang mga tawong wala’y lingaw nga kusog kaayo mutunglo kaniya. Gi-post pa sa aktor sa iyang social media account ang screenshot gikan sa usa ka website nga matud pa namatay na siya. Kapsyon pa sa aktor nga, “Kaya pala di ako pinapansin ng asawa ko!”.
Pabor sa non-showbiz
Pabor ang Kapamilya actress nga si Myrtle Sarrosa nga makauyab siya og usa ka non-showbiz guy. Daghan ang nangulitawo sa dalaga nga sama niya nga nagtrabaho sa showbiz apan mas gipili niya ang dili artista. “Mahirap kasi pag sa showbiz ang dami rin outside factors. At siguro mas maganda pa rin sa akin itong taong dine-date ko outside showbiz para may matutunan talaga ako sa kanya na iba sa mundo ng showbiz”, suma pa ni Myrtle.
Walay third party
Mitingog na gyud sa unang higayon ang singer nga si Young JV mahitungod sa panagbuwag nila ni Miho Nishida. Gitataw ni JV nga dili third party ang rason sa ilang breakup. “More on, it was a decision that we had to make po. Well, for me po, hanggang ngayon naman mahal ko pa rin siya. She’s just undergoing something, which I respect. Gusto ko rin naman na maging happy siya and I respect naman po kung ano ang gusto niyang gawin with her life”, suma pa ni JV.
Mao diay
Gitug-an sa stylist nga si Liz Uy nga nakahilak gyud siya sa dihang nakahibalo siya nga nagsabak siya. Dili pa gyud siya andam sa maong responsibilidad kaniadto maong taod-taod niya kini nga gihilom.
Naghuwat sa imbitasyon
Dili gyud manginlabot si Edu Manzano sa mga desisyon sa iyang anak nga si Luis Manzano kun kabahin sa personal nga aspeto. Matud pa ni Edu nga anaa na sa tukmang edad ang iyang anak ug kamao na kini nga mosabot sa mga sitwasyon nga maagian niini. Kabahin sa pagpakasal, naghuwat na lamang siya kun kanus-a siya padad-an og imbitasyon.
Magbalik ra
Dili pa gyud magbuwag ang tandem nga LizQuen inigkahuman sa ilang serye nga Bagani. Matud pa ni Enrique Gil nga human sa ilang mga himuon nga solo projects, aduna sa’y giandam nga pelikula nga bidahan nila ni Liza Soberano puhon.
- Latest