Rejections

Nagsugod among  conversation pinaagi sa akong pag-ingon niya, gwapo ug bata ka sa personal, tiguwang na kas picture. Ug gitapos namo kini pinaagi niya nga nagkanayon, common sense ra man na, kun ganahan ka mamilyonaryo imong ibaligya kanang minilyon, ayaw nang sari sari store kay piso ra man imong ginansya ana.

Ang akong gipasabot mao ang panaghinabi namo ni Kuya Grab Driver niadtong Miyerkules sa gabii. Pero, una niini, nakasinati usa ko og rejection. Haha. Naay laing driver nga akong gi-book nga iyang gidawat akong booking but dihang minute na lang iyang gilay-on iyang gipa-cancel kay katugon na matud pa siya. Unsa ka liki, wala na lang unta niya dawata akong booking. So nag-book ko og lain and mao na dayon ni si Kuya Driver akong nasakyan.

Kanhi siya insurance manager. So ako siyang gikomedyahan, chickboy man kuno nang mga insurance agents. Nitubag siya nga nagkatawa, aw katong mga life, non-life man ta. Nangutana ko ngano diay? Ingon siya, humble ra man ning mga non life kay ginagmay ra man nig igo.

Ako siyang giingnan, maayo gyud siguro kay ka mubaligya kay manager man ka.  Ingon siya, dili sad. Mag-recruit ra man ka’g agents ana. I asked, so nagsugod sab ka as agent? He said, dili sad. Nagsugod gyud ko’g underwriter. Kanang underwriter mao nay tig sa office. Tighimo’g policy.

Then he said, ikaw sir unsa may imong trabaho? Basin ganahan ka makakita’g dugang income pa. I asked, what do you mean? Realty man pud ko, bag-o pa ko, mga 6 months pa, nakahalin nako’g 18 million. Basin ganahan ka, ingna lang ko.

I said, oh so maayo gyud diay ka mamaligya. He said, dili sad. Sistema ra man na, naa kay targeton ug naa say oras kanus-a ka mu post. Ingna ko kon interesado ka kay kuyogan ta ka, muapil ra ka’g seminar, libre tanan. Tudluan ta ka.

Then I segued, dugay na ka nag-Grab? He said, ikaduha na ning unit nako. Uber man gyud ko. Pag-resign nako after 12 years adtong 2016, naka-realize ko nga kon regular ko mag-drive, akong sweldo as manager 20k kapin ra, duha rana nako ka semana. Nya di pa ta ka hatud kuha sa atong mga anak, wa pa tay time sa atong pamilya. Kusog pa sab gyud nuon to ang ingon ani.

Mirage iyang sakyanan  nga service niya isip manager.  Ingon siya, akong kita ato, maoy gi-down nako ani.” I asked, so okay na ka ron? Milyonaryo na diay ka, naa pa gyud kay balay. He said, dili sab milyonaryo, pero mas okay na ron.

Then I said, sus ang chicks nato ana, daghan pud. He smiled,  and said, wala na ta ana. Akong mga anak gagmay pa, mao pay pagsugod og eskuyla.

Eventually, niabot na lang mi’s akong destinasyon nga wala damha. He said, nindot atong istorya sir no, tabian pud ka. And before I disembarked, that was when he said about common sense if one wants to be a millionaire. He invited me again, sort of recruited me actually. I told him I’ll think about it and will search him sa FB when I have already decided.

My point is, in life naa gyuy rejections. But rejections are not the end, sinugdanan ra na aron maangkon niya ang kalampusan nga para gyud nimo. Like kon wala pa to magnilabad ang unang driver, dili unta magtagbo among dalan ni Kuya Driver ug dili ko makakuha og pagtulun-an niya. So don’t give up when you are rejected. Rather go lang ng go! Pakpak!

Have a blessed Sunday, dear okRYANians!