Don’t Rush

So last Friday evening, nagdali-dali ming Sanden Anadia kay late nami sa Media Appreciation Dinner sa Grab Philippines sa Café Laguna. Kay peak hours man gyud nang 6p.m., ingon si Sanden mag-taxi na lang mi. Ingon ko, no, mas lisud ikuha og taxi or Grab for that matter kay peak hours lagi. So, giagni nako siya nga adto lang mi sa kilid sa University of the Visayas mag-atang og jeep nga para Talamban kay mas dako’g chance nga makasakay mi didto.

Mga 10 minutos namong barog tungod sa UV wala pa gyud mi nakasakay. Si Sanden nagkisikisi na kay mag-Grab na lang gyud kuno mi. Ingon ko, no lagi kay rush hour na tong orasa. Mas maayo gyud mag-jeep. Ug sa dihang may miabot nga 62C, dili puno, pero na puno dayon kay daghan man sab naghuwat. Ingon ang barker naa pay usa bakante so I told Sanden, musakay na lang mi — siyay lingkod kay mukapyot ra ko. Dili man gyud ang gwapa beh. Kay guot na kuno. Na hala! Pakkk!

We waited for another 10 minutes, hangtud nga may laing 62C nga niabot. Walay sulod. Ug tuod man nakasakay mi. Diretso ang byahe. Walay heavy traffic.Pwes, I told Sanden, nga dapat siyay muplite nako kay dako kaayo siyag na-save sa iyang budget nga pang-taxi unta. Nisugot ra man sab siya. Pakpak!

Then I realized, in life dili gyud ta angayan nga magdali-dali. Like in chasing after our dreams, kinahanglan naa gyud kitay pasensya. Sa atong pagkab-ot sa atong mga pangandoy, muagi pa gyud kita og kalisdanan,  mga pagsulay nga maoy mupalig-on  nato aron hugtan pa nato ang atong pakigbisog ug panikaysikay una pa nato matuman ang atong mga damgo. Magpasensya lang gyud kita. Magpailob. Mag-ampo. Ug magmalig-on.

Also, our simple experience sa pag-atang og jeep adtong Biyernes will also tell us nga we should not rush in our decisions. Kon nag-taxi pa gyud mi ato og diretso, dako mi og magasto. That means, when we make decisions magamay man o madako, kinahanglang timbang timbangon gyud una nato sa dili pa kita muhukom.

When making decisions ilabina life changing ones, kinahanglang ampoan sa gyud na nato og maayo. Ikatulog usa. Because it is important nga you decide with a clear mind. Kinahanglan pa kang maminaw unsay tubag sa imong pag-ampo sa dili pa ka muhukom. Always pray for enlightenment and wisdom when you are to make a life changing decisions. Then listen. Hunghungan man gyud ka ana kon kinasingkasing ang imong pag-ampo. Kana maoy paminawa ug sunda.Pakpak!

Ayaw pagdali-dali. Ayaw ipugos kay basin dili pa diay kana ang tukmang panahon alang sa katumanan sa imong katuyuan o pangandoy. Just like us, we waited patiently for a jeep. Unya may niabot, bakante kaayo, hamugaway among pagbyahe kay walay traffic. Ug mas hamugaway na sa among pagpamauli kay nag-Grab car na man mi. Bugnaw na, wala pa gyuy samok ang dalan kay pasado alas nuwebe na sa gabii. Medyo mingaw na. Pakpak!