Jewel nanganak na!

Nanganak na ang aktres nga si Jewel Mische ug usa kini ka batang babaye. Gipahibalo kini ni Jewel pinaagi sa pag-post sa iyang Instagram account ug hulagway sa 3D ultrasound sa iyang bata. Naminyo ang former StarStruck winner ngadto sa American husband nga si Alister Kurzer niadtong 2015.

Nakahinumdom si Vice

Kalit nga nahinumduman sa It's Showtime host Vice Ganda ang iyang kasinatian sa iyang pag-apil kaniadto og singing contest sa kaatbang programa nga Eat Bulaga. Gipangutana ni Vice ang usa ka contestant sa Tawag ng Tanghalan kung kaila ba kini ni Ingrid Montecarlo. "Si Ingrid Montecarlo ang Regine Velasquez ng Sta. Cruz, Maynila. Ako yun. Yun ang pangalan ko nang manalo ako sa EB sa O Diva,” butyag pa ni Vice.

Midepensa sa pelikula

Midepensa ang aktor nga si Zanjoe Marudo ngadto sa mga nisaway sa ilang pelikula ni Empoy Marquez nga Kusina King nga daw nigamit kini og bastos nga mga pulong. "Nasa tao nalang kung síno ang mag-iisip nga kabastosan sa dialouge kasi yong nagbabate, nagbabate naman talaga siya(Empoy) ng itlog diba?," sigon pa ni Zanjoe.

Lahi ra gyud

ang Aegis

Gipaambit sa inahan ni Judy Ann Santos nga si Mommy Carol nga mas gusto niya ang Aegis kumpara sa foreign concert artists. Nitan-aw si Mommy Carol sa 20th Anniversary Concert sa Aegis didto sa Araneta Coliseum. “Kahit pa may dumating pa na major na foreign artist at inaalok pa ako ni Juday na bibilhan ako ng ticket para doon, ayoko na siyang gumastos pa sa foreign artist na yun. Sa Aegis pa rin ako!”lengua pa niini

Gibunyagan na

Gibunyagan na ang anak nilang Saab Magalona ug Jim Bacarro nga si baby Pancho kagahapong adlawa nga gitambungan sa ilang pamilya ug mga suod nga higala sa showbiz. Gipaambit ni Saab sa social media ang cute photos ni baby Pancho. "Proud parents," caption pa sa aktres.

Cora engaged na!

Engaged na ang Former PBB housemate nga si Cora Waddell ngadto sa non-showbiz boyfriend niini nga si Terrence Lloyd. Gipahibalo kini sa ABS-CBN star niadtong Miyerkules pinaagi sa pag-post og  hulagway sa ilang engagement ring. "He asked, and I said YES!!!!"caption pa sa aktres.

Bipolar disorder

Miangkon ang aktres nga si Meryll Soriano nga na-diagnosed siya og bipolar disorder napulo ka tuig ang nilabay. Gibutyag sa aktres nga dili dapat tawgon nga buang ang mga tawo nga aduna'y ingon ani nga sakit. "We have to break the stigma. We want the people to know na hindi kami mga baliw because that's the common connotation," asoy pa niini.

Proud si Anne

Usa ka dakong dungog alang kang Anne Curtis nga malakip isip guest performer àtol sa concert sa Aegis didto sa BigDome diin niawit siya sa mga birit songs sa nahisgutang grupo. Laing special guests sa maong concert mao silang Jericho Rosales, TNT Boys, Vice Ganda ug Regine Velasquez-Alcasid.

Nakadawat na

Gibutyag sa Kapamilya actress Angel Locsin nga nakat-on  na siya sa pagdawat sa kamatuoran sa  gihambin niya nga  spinal injury. Sige pa gihapon og work out ni  Angel apan moundang siya usahay kay mokalit lang og sakit  ang iyang spinal. “My spine injury will always be with me and it took me a while to accept that. I realized that pain is sometimes just a reminder that we might be pushing ourselves too hard beyond our limits,” post pa niini.

Barbie gibun-og?

Naalarma ang fans sa Araw Gabi star Barbie Imperial human kini nag-post sa twitter mahitungod sa physical abuse. Nag-upload sab matod pa ang aktres og hulagway sa Instagram diin makita sa íyang nalabhag nga  bukton ug dughan. Apan pila ka oras ang nilabay, gipapas  ra sab kini sa ABS-CBN actress ang maong mga post.