“It Runs in the Blood”

CEBU, Philippines — Grade 3 pa lamang siya dihang nagsugod siya og duwa og basketball, diin nahimo siyang varsity player sa University of San Carlos. Anak siya sa sikat nga basketbolista kaniadto sa Cebu Doctors College (karon university) nga si Abemelech "Abe" Galinato. Naturalmente nga ang amahan gyud ni Paul maoy unang nagtudlo og basketball kaniya,sanglit ang nahisgutan maoy usa sa giila nga “best shooters” kaniadto sa CAAA. Ang coach karon ni Paul sa UC Webmasters nga si Raul “Yayoy” Alcoseba mao usab ang coach kaniadto sa iyang amahan isip sakop sa Cebu Doctors College Stallions.

Gawas sa iyang amahan, giisip niyang inspirasyon sa pagduwa og basketball mao ang iyang apohan.

"Na-influence man sa ako father and it runs in my blood,"tsika pa ni Paul ngadto sa Banat News Hugyaw.

Sa bag-o lang natapos nga Cesafi pre-season (Partner’s Cup), usa sa mga paborito nga players si Paul diin lakip siya sa nag-unang mga pambato sa University of Cebu Webmasters nga nitapos isip first runner- up.

Bag-ohay lang siya nga nahibalik dinhi sa Sugbo, sanglit niduwa pa man siya sa Centro Escolar University didto sa kaulohan diin gipakpakan usab ang iyang abilidad. Isip basketbolista, lakip sa mga pasidungog nga iya nang naangkon Most Valuable Player makaduha ka higayon; Best in Sports, Rising Star ug pagkalakip sa Mythical 5 makatulo ka higayon. Busa dili gayud mapogngan ang makabungog nga syagit sa mga basketball fans, ilabi na ang mga kababayehan, sa matag ataki ni Paul sulod sa korte.

Talagsaon gayud nga hiyas ang gipakita ni Paul isip basketball player. Ug giisip niyang sekreto sa pagkab-ot sa maong mga kalamposan mao ang pagbaton og disiplina sa kaugalingon, determinasyon ug pagpokus sa pagkab-ot sa pangandoy.

"It’s all because of Him (God)! He is the reason why I am here today and tanan akong gibuhat offer nako sa iyaha. All for him!" Butyag pa sa basketbolista.

Q & A

Banat News Hugyaw (BNH):  Unsa imong gibuhat aron molambo ang gihatag kanimo nga talento gikan sa Kahitas-an?

PAUL: Pirmi mokuyog sa mga games para motan-aw ug didto mi magsugod og sabot sa duwa. Apil og mga basketball clinics ug sulod pud og varsity sa school.

BNH: Aduna bay panahon nga nawad-an ka og gana moduwa og basketball?

PAUL: Yes,  kadtong na-injury ko. Na-dislocate ako left elbow. That time mura’g nahadlok nako mobalik and na-down ko kay naghuna huna ko nga basin dili nako makaduwa.

BNH: Unsa imong giisip nga challenges o mga pagsulay sa pagduwa og basketball?

PAUL: Kung unsaon nako pag-maximize sa akong talent para makaabot sa akong goal sa life ug kung unsaon nako pag-improve as a player and as a student.

BNH: Unsay labing kadako nga challenge nga naagian ninyo sa inyong family?

PAUL:  Kadtong ni-decide me nga sa Manila me mo-eskwela sa akong brother. For me mao to ang hardest challenge namo kay tungod nasanay me nga kuyog pirmi amo family bisag asa mi moadto and because gipadako mi nga family first. Lisod kaayo i-decide between family and future.

BNH:  Kinsa alang nimo ang labing dako nga threat sa pagduwa sulod sa korte?

PAUL: Akong self, kay tanang naagian nako nga coach mao gyud ang giingon, nga ang imong enemy or challenge sa life kay imong self rajud. Unsaon nimo pag- correct sa imo mga sayop ug unsaon nimo pagbangon sa times nga down kaayo ka. Ikaw ramay makabuhat ana sa imo kaugalingon, ang uban kay mutabang raman na ug mo-guide nimo.

BNH: Unsa imong mga preparasyon sa dili pa magsugod ang game?

PAUL: Listening to music and motan-aw og highlights sa ako mga idol sa NBA.

BNH: Gawas sa pagduwa og basketball, unsa pa ang lain nimong talento?

PAUL:  Singing? Hahaha

Let’s Get Personal

BNH: Aduna ba kay uyab karon?

PAUL: Single

BNH: When was the first and last heartache?

PAUL:  Last year summer.

BNH: Unsay naa sa usa ka basketball player nganong gukdunon man kini og mga babaye?

PAUL: Maybe kay ganahan sila og athlete? And maybe maayo moduwa.

BNH: How do you manage your time between playing basketball and studying?

PAUL:  Time management lang sa training then school. Avoid sa mga unnecessary things and sipag lang nga mahuman ang mga kailangan buhaton ana nga day.

BNH: Unsay hiyas nimo isip basketbolista nga naghatod nimo sa kalamposan karon?

PAUL:  Discipline and determination and focus.

BNH: Unsaon nimo paggamit imong talento to help other people?

PAUL: Guide them through doing the right things and showing them how to be a good person inside and outside the basketball court.

BNH: Unsa imong message sa tanan nga aspiring basketball players?

PAUL: Focus on your dreams and your goals in life. Never give up whatever challenges come in your way because every problem has a solution that will make you better as a person and that will give a lesson to learn in life. And put it in your heart every little thing you do.

BNH: Unsay message nimo sa tanan nimong mga

fans?

PAUL: Thankful ko sa ilang support nga gihatag sa ako. Kay tungod nila mas ganahan ko ma-improve pa para ma-proud sila nako in the future.

Fast Talk:

BNH: Kung basketball ang usa ka relasyon, is it worth

playing?

PAUL:  Very worth playing

BNH: Unsa mahigugma ang usa ka basketball player?

PAUL: Aggressive

BNH: What is your favorite part of your body?

PAUL: Lips

BNH: Asa nga part sa imong lawas makit-an imohang

lihi?

PAUL: Eyes

BNH: Chubby or sexy?

PAUL: Sexy

BNH: Brief o boxer?

PAUL: Boxer