Tungod ni Jodi

CEBU, Philippines – Dako ang pasalamat ni Jolo Revilla ngadto sa iyang ex- girlfriend nga si Jodi Sta. Maria gumikan kay usa kini sa mga nidisiplina sa iyang anak nga si Gabriell. Masaligon si Jolo nga dili mahisama ang iyang anak kaniya nga nakabuntis niadtong 16 pa lang siya. “He knows what to do. Nirerespeto ko yung bata at hindi siya isip bata. Yon yung mapagmamalaki ko siguro. Dahil sa guidance ng mga nakapaligid sa kanya kaya sobrang mature niyang mag-isip. Iba siyang magsalita kapag nakausap mo siya. Parang matanda,” paniniguro ni Jolo.

Buhi pa ang karera

Mobalik na sa pag-arte si Jericho Rosales. Gani, aduna na’y giluto nga mga pelikula ug serye nga bidahan niya puhon. Sa iyang serye nga “Halik”,  makauban niya sila si Sam Milby, Yen Santos ug Yam Concepcion. Gawas sa serye, pasok usab siya sa pelikula nga mahimong entry sa 2018 Metro Manila Film Festival (MMFF). Makauban niya sila si Jessy Mendiola ug Kim Chiu.

Magpakita sa sampot

Seryoso gyud si Kiko Estrada sa iyang pag-arte. Matud pa niya nga lahi nga bersyon ni  Kiko ang makita sa mga tawo sa umaabot nga pelikula nga iyang bidahan nga “My Stepmother’s Lover” kun diin makauban niya si Sunshine Cruz. Ang maong pelikula adunay daring scenes ug aduna pu’y butt exposure si Kiko. “May pakita ng puwet. Pero hindi naman yon big deal sa akin kasi sabi ko nga dati, I want to do a serious movie now. I want to show I’m a leading man and I want to show na I’m one of the best,” suma pa ni Kiko.

Nagpanikad sa Ms.  U

Tsika pa ni Miss Grand International Philippines 2016 Nicole Cordoves nga naghinam-hinam siya sa 2018 Miss Universe pageant tungod sa pambato sa nasud nga si Catriona Gray. Matud pa ni Nicole nga grabe ang pagpangandam karon ni Catriona ug aduna gyud kini puruhan nga makoronahan sanglit nakita niya nga pursigido gyud kini nga makalangkat og titulo.

Target ni Julia

Gibutyag ni  Julia Barreto nga kon wala pa siya nahimong artista,  plano niya nga mo-eskwela sa abroad. Nasayran nga fourth year high school lang ang nahuman niini. Dugang pa ni Julia nga dili siya gusto nga mag-home-school gumikan kay gusto niya masinati ang regular class set-up. “If I study here in the Philippines, I would take up Psychology. If I study abroad, I would get a film degree”, suma pa ni Julia.

Naabot na gyud

Nahimugso na ang anak nila Jomari Yllana ug Joy Reyes sa miaging adlaw lang. Usa kini ka himsog nga batang lalaki ug nagtangag kini sa pangalan nga Chistiano Ayrton Yllana. Matud pa ni Jomari nga 19 anyos ang iyang  pagpaabot aron makakugos sa bag- o niyang liwat.

Unya ra

Gitataw ni Alma Moreno nga dili pa magpakasal ang iyang anak nga si Winwyn Marquez ngadto sa boyfriend niini nga si Mark Herras. Adunay higayon nga iyang  gipangutana si Winwyn  kalabot niini. matud pa niya nga duna pa’y daghang plano si Winwyn sa iyang kinabuhi.

Gipasigarbo ni Direk Jason

Dili na gyud mabangbang ang paglawig sa career sa usa sa mga  miyembro sa TNT Boys nga si Mackie Empuerto gumikan kay bida  kini sa usa ka pelikula nga nag-ulohan og “Bakwit Boys”. Makauban ni Mackie sila si Devon Seron, Vance Larena, ug Hashtag members nga sila si Ryle Santiago ug Nikko Natividad. Gitug-an sa direktor niini nga si Jason Paul Laxamana nga wala siya magdahom nga naay talento sa pag-arte ang child singer. Dugang pa ni Jason nga maayo nga mosag-ulo og linya ang bata ug wala siya nagmahay sa pagkuha niini sa iyang pelikula.

Sudlon ang PBB house

Plano ni  Jeyrick Sigmaton (Carrot Man)  nga banhawon  ang iyang showbiz career. Aduna siya’y plano nga sudlon ang Pinoy Big Brother house. “Inaasahan ko pong makapasok sa Bahay ni Kuya kasi ang daming nangangarap na pumasok doon. Lucky ako pag nakapasok ako doon. Kakayanin ko ‘to dahil sa sarili ko din at sa pamilya ko at sa mga taong sumusuporta sa akin. Nagpu-pursige po akong mag-workshop para mapaghandaan yung pagpasok sa Bahay ni Kuya, kung makukuha po. Gusto kong mag-artista para makapagpatayo ng bahay, sariling bahay”, saysay pa ni Carrot Man.