i Love You HATER
Preciosa L. Bacalso (Banat) - July 11, 2018 - 12:00am

CEBU, Philippines — Gikagobtan dinhi sa Sugbo niadtong Dominggo sa hapon ang  mga bida sa bag-ong pelikula nga “I Love You, Hater” nga sila si Joshua Garcia ug Julia Barreto.

Gipasigarbo sa duha ang linahi nga dagan sa maong pelikula nga ubos sa Star Cinema ug seguradong malingaw gyud ang ilang fans.

Karong adlawa, pormal na nga gipagawas sa mga sinehan ang gihatagan og direksyon ni Direk Giselle Andres nga nagsilbing ikatulong pelikula sa JoshLia human sa malampuson nila nga gibidahang pelikula kaniadto nga “Vince & Kath & James” ug “Love You To The Stars And Back”.

Ang “I Love You, Hater” magtuki kabahin sa pagpaningkamot sa duha ka binuhat nga makakuha og posisyon sa trabaho aron makab-ot ang mga damgo sa kinabuhi ug aron makatabang sa panginahanglan sa pamilya.

Adunay mahitabo nga kompetisyon tali sa karakter nila  ni Joshua ug Julia nga managsama nga nagtinguha nga makuha ang posisyon nga executive assistant sa karakter ni Kris Aquino.

Pagadad-on ni Joshua ang karakter ni Joko kun diin nagpakaaron-ingnon siya nga usa ka bayot.

“Ako yung tinatawag nila na “Kuyang Faker” na nagpapanggap na bakla para sa pamilya niya para makatulong sa mga bayarin. At gagawin niya lahat para sa pamilya niya” suma pa ni Joshua.

Tsika pa ni Joshua nga dili na tantong lisod ang pagdala niya sa maong papel gumikan kay nakasuway na siya sa maong role sa usa ka episode sa Maalaala Mo Kaya. Dugang pa niya nga aduna usa’y mga higayon nga magpatudlo siya sa mga make-up artist aron mas mahatagan niya og hustisya ang karakter.

Samtang, ang karakter ni Zoey mao sab ang pagahatagan og kinabuhi ni Julia.

“Zoey is the dreamer. She is the over-achiever, the go-getter. She is also trying to get this new job so that she can prove herself to her father. She’s free-spirited. She’s very carefree”, suma pa ni Julia.

Si Kris mao ang modala sa papel ni Sasha nga usa ka hinangad nga tawo sa usa ka dakong kompanya.

Gibutyag ni Julia nga makita gyud niya ang iyang kaugalingon sa karakter ni Zoey sanglit si Zoey aduna gyuy dako nga pagtan-aw sa iyang boss nga si Sasha.

“For me, I admire her. My character admires Sasha in the film so I had to learn more from Tita Kris because I wanted to learn also from her in real life. After knowing Tita Kris, I really admired her for all her achievements and still continue to achieve the empire that she’s building for herself”, suma pa ni Julia.

Sa habig ni Joshua, mas mirespetar siya pag-ayo kang Kris sanglit aduna na gyud kini napundar sa industriya ug mapasigarbuhon siya nga silang duha ni Julia nga nalakip sila sa comeback film ni Kris.

Gibutyag sa duha nga gikalipay nila nga makauban si Kris sanglit nakitaan nila kini nga ilang inahan sa industriya.

“It was fun working with her. There were a lot of things we learn from her. It was nice because it was like having a mom on the set. We have somebody who takes care of us. She is after us. She gives us advice in the industry because she has been in the industry for such a long time so she’s an expert”, matud pa ni Julia.

Dugang pa ni Joshua nga sama sab sa anak ang pagtan-aw ni Kris ngadto kanila gumikan kay dili gyud sila pagutman niini ug gigam gyud sila pag-ayo sa set. “It’s the best experience to work with her. Lahat binigay niya yung food. Inaalagaan niya kami sa set. One time pa pag-uwi niya galing Japan, may mga pasalubong siyang dala para sa’min. She’s very thoughtful”, suma pa ni Joshua.

Pagpuno sab ni Joshua nga aduna gyud siya’y dakong pagtulun-an nga nakat-unan gikan kang Kris nga angkonon ang oportunidad nga mikuhit diha kanimo.

“Yung hanggat nandidiyan, ay gawin mo at ibuhos mo lahat ng kaya mo kasi pag wala na, ikaw rin ang magsisisi sa huli. Grab the opportunity”, suma pa ni Joshua.

Isip mga artista, mas gikinahanglan nila ang trabaho kaysa pag-atiman sa mga pagpangdaot kanila  gikan sa ilang “haters”. Dugang pa ni Joshua nga mas maayo nga i-pokus ang atensyon sa oportunidad ug dili lamang panumbalingon ang mga negatibong awra sa kinabuhi.

Sa laing bahin, gipabuhagay sa duha kon unsaon nila pagtagad ang ilang bashers.

“Wala eh, wala kasi akong pakialam masyado eh”, tug-an pa ni Joshua.

Gibutyag niya nga nakadawat siya og death threats sa dihang lakip pa siya sa mga housemate ni Kuya sa Pinoy Big Brother.

“Dahil ang tamad-tamad ko daw. Tapos ang landi-landi ko raw. Siguro nagagalit yung fans ng iba syempre yung sinusuportahan nila”, butyag pa ni Joshua.

Sa bahin ni Julia, naanad na siya nga mga pag-bash sa mga tawo niya gumikan kay matud pa niya tungod kini kay naggikan siya sa pamilya nga naa sa susamang industriya, maingon na niya nga dili na gyud malikayan nga naa ang mga mata sa mga tawo ngadto kanila.

“I feel like that the things that they’ve done before or the mistakes they had before parang ako yung nagsu-suffer, parang sa’kin nabuhos lahat. And they expect the same of me. Pero ang pinaka-ayaw ko lang sa lahat kapag nadadamay na yung pamilya ko. I feel like you can say anything about me, just don’t say anything about my family”, padayag pa ni Julia.

Panaad ni Julia nga dili niya itago sa iyang kasingkasing ang mga nadunggan niya sa social media gumikan kay ang mga tawo nga mibuhi og mga pulong, wala masayod sa tinuod nga panghitabo sa iyang kinabuhi. Mao nga gipangga gihapon niya ang iyang haters gumikan kay mao kini ang usa sa mga lamas kun ngano humot ang iyang pangalan sa industriya.

Ang I Love You Hater dili lang lang kini magpakita og kasina ug pagdumot apan mag-umol kini og pagkamatinud-anon, pagpakita sa tinuod nga paghinigalaay ug aduna sa’y istorya sa paghinigugmaay.

JOSHUA GARCIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with