Duwa lang

Sus, nagubot gyud ang Pilipinas ug naukay ang pipila ka mga nasud gumikan sa rambol nga nahitabo atol sa basketball game sa Gilas Pilipinas ug Australian Boomers! Nagkadaiyang opinion kabahin sa kinsa gyuy sad-an o angay basulon. Naturalmente daghan gyud mulaban sa Gilas Pilipinas. Ang istorya robo sab kaayo ang mga Australian sa court ug mga walay batasan off court. Pero inanay na man sila nga  nahilom, nahuwasan na sa ilang mga emosyon. Magpaabot na lang ta unsay sentensya sa FIBA sa mapalgang sad-an sa nahitabo. Samtang niadtong June 25-30, nirampa ko sa Bayugan City for the first time kay nag-muse ko didto. Hahaha. Joke lang. Gidapit ko sa akong amigo nga coach nga si Van Parmis aron mutan-aw sa 3rd Mayor Kim Lope Asis Intercollegiate Invitational Basketball Tournament. Nag-abot didto ang National University, Lyceum of the Philippine University ug University of Santo Tomas representing Luzon; Southwestern University ug University of Cebu representing Visayas; ug Xavier University representing Mindanao. Ang UST maoy over-all champion samtang UC ang first-runner-up. Sa nilabay nga tuig, ang University of the Visayas Lancers maoy nanghawod didto. Pakpak!

Volleyball fan man gyud ko, but for four straight days nga nagsubay ko sa maong tournament, naganahan na man nuon ko og basketball. Makasabot na man gud ko’g gamay sa rules of the game, makaila na ko very very lite unsay violation nga namugna sa player ug mahugyaw ko’s abilidad sa mga magduduwa. In short maka appreciate nako og basketball.

Maoy hinungdan nga karong hapon, magbabag akong beauty sa Cebu Coliseum kay mutan-aw ko sa game 1 sa championship game tali sa UC Webmasters ug UV Lancers para sa ilang pre-CESAFI games. Yes, 5:30 magsugod ang duwa busa naa gyud ko didto. Naglibog pa lang gyud nuon ko kinsa akong abibahan uy kay duna nakoy mga friends sa UC like team captain Jutin Dacalos ug point guard/shooting guard Paul Galinato. Unya naa man sab koy mga friends sa UV Lancers behug gwapohan ko’s ilang head coach. Pakpak!

Pero bitaw, balik didto sa Bayugan, very successful ang maong basketball  tournament uy. I think it’s all about the referees. Kay katong rambol sa Gilas ug Australians ang komentaryo gyud sa publiko kay biased kaayo ang mga referee in favor of the Aussies. Bisa’g obvious na matud pa, dili gyud i-call sa referee. Didto sa Bayugan tournament kay abtik man kaayo ang mga referee gyud. In fact naay usa ka player sa UC ang na-thrown out kay few minutes pa lang sa championship game nakit-an nga nanukmag gyud matud pa og player sa UST. Nahunong kadiyot ang game kay gipagawas man gyud sa gym ang player, pero in the end gitugtan na lang siya nga didto na lang sa pultahan sa venue mulingkod.

Si Mayor Asis gyuy nakakita uy kay klaro kaayo sa iyang nahimutangan sa stage ang nahitabo. Hugyaw si Mayor kay magbitbit man diay na siya’g iyang kaugalingong microphone, pwes may I announced gyud siya. Ingon si Mayor nga dili gyud makatugot ang Bayuganons og hugaw nga duwa. Gusto siya nga malingaw lang gyud ang mga nanan-aw maong duwaon lang gyud matud pa og tarong. Iya sab tong gimaymayan ang player involved, iyang giingnan nga muduwa lang gyud og tarong kay bata pa kaayo kini og taas pa kaayo og future basta magtinarong lang gyud. Nahugyaw ko ni Mayor! Pakpak!

But yes, sakto man sab gyud siya. Duwa lang gyud nga duwa og tarong aron malingaw ug makat-on sab. Infairness, cooperative ra sab ang management sa both teams so nahusay ra sab gyud sila nga wala madugay. Congrats, Mayor and Bayugan City. Thank Coach Van!