Ellen nanganak na?
CHURVA - Preciosa L. Bacalso (Banat) - June 30, 2018 - 12:00am

Miulbo na karon ang tsika  nga matud pa  nanganak na ang sexy star nga si Ellen Adarna niadtong Hunyo 27 sa usa ka pribadong tambalanan dinhi sa Sugbo. Pabilin pang tak-om sila si Ellen ug John Lloyd sa maong mikatap nga taho.

Beso-beso ra

Gitataw ni Coco Martin nga dili “lips to lips” ang mikatap nga video nila ni Yassi Pressman nga matud pa nahitabo sa set sa seryeng Ang Probinsyano. Matud pa ni Coco nga beso-beso lang kadto nila ug normal lang na buhaton nila kini kun maabot na sila sa lokasyon sa ilang shooting.

Nakalitan sa panghitabo

Emosyonal nga giasoy si Tony Labrusca nga inanay nga natuman ang iyang mga pangandoy sukad nga nakasulod siya sa kalibutan sa showbiz. “Naa-amaze lang ako kasi nung bata ako, parang ang wish ko lang is sana nga magkaroon kami ng bahay. Ngayon, naa-amaze ako na alam ko, kahit hindi kami mayaman nung bata ako, binigyan ako ni Lord ng chance ngayon na ako naman ang mag-provide ng lahat ng mga pinangarap ko nung bata ako”, suma pa ni Tony.

Mobalik sa trabaho

Sigurado nga mobalik sa pag-arte sa atubangan sa kamera ang Kapamilya star  nga si Sofia Andres human sa usa ka buwan nga pagpahuway tungod sa stress. Matud pa ni Sofia nga aduna siya’y himoon nga movie project ug aduna na puy naglinya nga guestings mao nga kinahanglan gyud niya nga mobalik sa trabaho.

Gi-shoot sa Indonesia

Gisugdan na nila ni Kathryn Bernardo ug Daniel Padilla ang pag-shoot sa ilang umaabot nga pelikula nga "The Hows of Us". Gipakita ni Kathryn pinaagi sa iyang Instagram account nga naa sila karon sa Indonesia.

Naa ra sa kiliran

Gibutyag ni Vice Ganda nga  mounong  gyud niya kanunay ang iyang anak-anak nga si Ryan Bang sa matag higayon nga magsakit ang iyang dughan tungod sa gugma. "Alam mo, mahal na mahal niya ako, sa sobrang pagmamahal niya ninenerbiyos ako. Kasi minsan 'pag umiiyak ako, sasabihin niya, 'jowain mo na lang kaya ako”, asoy pa ni Vice.

Milambo ang career

Wala gyud damha ni Jerald Napoles nga mahatagan gyud siya og luna sa showbiz industry tungod kay matud pa niya dili gyud siya ingon nga hitsuraan apan aduna lang gyud siya’y talento ug dakong pagmahal sa pag-arte. Matud pa niya nga dako na og kausaban ang nahitabo karon sa iyang kinabuhi tungod kay kaniadto, manghuwam ra siya og tsinelas sa iyang uyuan kun adunay taping nga apilan apan karon, usa na siya ka breadwinner sa iyang pamilya.

Janella gisapot

Gibasol ni Janella Salvador  si Elmo Magalona  kun ngano daghan siya og nadawat nga backlash tungod sa sayop nga pagpahibalo sa aktor sa mga tawo kalabot sa wala niya paglugwa sa pelikulang Walwal. Una na nga nigawas ang report dinhi sa Banat News Hugyaw kagahapon kung diin giklaro ni Janella nga ganahan lang siya og laing oras sa pagtan-aw sa pelikula ni Elmo ug wala sa iyang plano nga motikang sa premiere night.

Inspirasyon si Sarah

Giangkon sa Tawag Ng Tanghalan finalist nga si Arabelle Dela Cruz nga giidolo niya pag-ayo ang Popstar Royalty nga si Sarah Geronimo. Matud pa ni Arabelle nga bata pa lang siya, gisunod niya ang istilo sa pagkanta niini ug giawit niya ang mga gipasikat nga mga kanta sa singer. Tsika pa ni Arabelle nga pasalamatan niya si Sarah sa higayon nga magkita sila gumikan kay si Sarah ang hinungdan kun nganong  nitumaw ang iyang  damgo nga mahimong usa ka singer.

Pokus sa pagsuwat

Nagpokus karon sa pagsuwat og kanta ang Dance Kids alumna nga si AC Bonifacio.  Gani, nag-release na sad siya sa iyang single album. Gawas nga gusto mahimong ilado nga dancer, gusto sab niya nga mahimong  singer-songwriter. "I want to try din to write my own songs, you know to actually do something by myself para it’s more on my feelings and how I am”, suma pa sa 15 anyos nga artist.

ELLEN ADARNA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with