Erich nalandig sa tambalanan

CEBU, Philippines — Gidala sa tambalanan  ang Kapamilya actress  nga si  Erich Gonzales human giataki sa hubak atol sa taping sa gibidahang serye  niini nga Blood Sisters didto sa Bulacan.

Gipahibalo kini sa Queen of All Media Kris Aquino pinaagi sa pag-post sa Instagram og hulagway ni Erich nga naghigda ug nagpaayo sa iyang asthma.

Gidala ni Erich ang triplets nga role isip Erika, Carrie ug Agatha sa maong teleserye sa ABS-CBN.

Gipahibalo usab  ni Kris  pinaagi sa social media nga kasamtangan una niyang gipapuyo karon sa iyang panimalay si Erich Gonzales.

Wala matod pay mga paryente sa Manila si Erich nga makaatiman niya busa gisagop una siya sa Queen Of All Media. (BANAT NEWS)