Nag-uban sa Siargao
CEBU, Philippines — Nikatap sa online world ang hulagway sa Kapamilya hunk actor Zanjoe Marudo ug rumored girlfriend niini nga modelong si Josie Prendergast. Ang maong hulagway kuha atol sa birthday celebration ni Josie didto sa Siargao. Una kining gi-upload sa entertainment blog site nga Fashion Pulis ug paspas kining nag-trending sa social media. Hangtod karon wala pay katin-awan si Zanjoe sa tinud-anay nga istado nilang duha .
ALDUB nabanhaw
Gibayaw sa kakilig ang AlDub fans sa dihang nag-holding hands silang Alden Richards ug Maine Mendoza sa June 23 episode sa noontime show nga Eat Bulaga! Gisungog sab sila sa host nga si Joey nga mag-HHWK o holding hands while kissing. Gipares ang duha sa bag-ong segment sa show nga “Guhit Bulaga Plus.”
Gidayeg sa Momoland
Nakadawat og pagdayeg ang Kapamilya star Liza Soberano gikan sa miyembro sa sikat nga K-pop group nga Momoland sa gibuhat nga “Bboom Bboom” dance sa aktres kauban ang ka-loveteam nga si Enrique Gil. “Did you guys see the video? She actually did our dance. We’re so honored and thankful! She’s so lovely!”sigon pa sa Momoland member.
Oras sa anak
Nagka-bonding silang Raymart Santiago ug iyang anak nga si Sabina atol sa 14th birthday niini. Gi-share ni Raymart sa Instagram ang hulagway nilang duha ni Sabrina. Gipamatud-an ni Raymart nga naa gihapon siyay oras sa iyang anak.
Maris midepensa
Midepensa sa iyang kaugalingon si Maris Racal ngadto sa tanang nisaway sa iyang pagdala sa karakter ni Tin sa Maalaala Mo Kaya episode niadtong June 16 nga nag-ulohan og “Ukele.” Si Tin maoy songwriter sa kantang “Titibo-Tibo”, ang grand champion sa Himig Handog 2017 competition. “Di nila alam yung pinagdaanan nung bida,” sigon pa ni Maris.
Nataypan si Maymay
Gibutyag sa beteranong direktor nga si Joey Reyes nga ganahan siya makatrabaho si Maymay Entrata sa usa ka proyekto tungod sa ka-unique sa personality sa nahisgutang aktres. “I’d love to work with Maymay. I think a character is more important than nearly a beautiful face because you can make her do more challenging things,” asoy pa sa 63 anyos nga direktor.
Aron makalimot
Gipaambit sa Kapuso actress Heart Evangelista nga molarga siya sa laing nasud aron makalimot sa kalit nga pagkapunit sa gisabak niyang kaluha nga anak nilang Sen. Chiz Escudero. “My husband has decided for me that I should leave the country and take a breather. I think I deserve to go out now and start moving forward and just wait for that rainbow to show up,” pabuhagay pa sa aktres
Laing pagdayeg
Nakadawat og pagdayeg ang Tawag ng Tanghalan Boys members nga silang Francis Concepcion, Mackie Empuerto ug Kiefer Sanchez gikan sa international band nga Queen member nga si Brian May. Gi-share ni Brian ang performance sa TNT boys kung diin giawit niini ang sikat nga kanta sa Queen nga “Somebody to Love”. “Check out these lovely young lads from the Philippines. Brilliant. Great to see youngsters relating to Queen so well — and enjoying,” caption pa ni Brian.
- Latest